公仔箱論壇 - Powered by Discuz! Board

標題: 建制派搵定逃生路 [打印本頁]

作者: jjwah 時間: 2010-6-11 02:34 PM 標題: 建制派搵定逃生路

二○一二年政改方案六月二十三日提交立法會表決，議會內外戰火連天，當日負責護航撐方案嘅建制派議員，開始流露擔憂之情。不過唔好誤會，佢哋唔係擔心方案過唔到，而係擔心年初反高鐵示威者圍堵立法會、議員落難被困六小時嘅事件重演，萬一連港鐵站都被班「八十後」包抄堵塞，咁就麻煩，所以已經責成立法會秘書長吳文華同警方交涉，為當日設計定一條「逃生」之路。
「623」大戰一觸即發，立法會秘書處預咗陪官員同議員玩足三日，有建制派嘅資深議員估計，三日係最悲觀預算，兩日啦，政改命運應可全部揭盅。立法會內務委員會今日將討論修改二○一二年特首及立法會選舉兩個決議案嘅表決方式，究竟係合併定分拆辯論，預料會沿襲○五年做法，拆開激辯，所以一日肯定傾唔晒。
據估計，二十三日大會朝早完成六條議員口頭質詢後，會隨即入直路辯論政改，打頭陣嘅特首選舉辦法決議案，係生係死當晚應有結果，然後，第二日夜晚會再宣判埋立法會選舉辦法決議案嘅命運。呢兩個夜晚，全城熱騰騰，立法會大樓外嘅「八十後」，應該會好似英國球迷睇完波散場一樣，激動情緒醞釀爆發，大樓隨時再變「圍城」。www2.tvboxnow.com+ Z3 g* Y/ t/ ^6 [+ |# q
年初高鐵撥款觸發反高鐵示威者重重圍堵立法會，十九名建制派議員同運輸及房屋局局長鄭汝樺被迫退守議事堂，斷水斷糧落難六小時，記憶猶新。今次政改大戰，建制派不敢輕敵，據了解，佢哋已督促吳文華同警方商討「守城」安排。0 L( A4 g6 k/ E! \% d- l5 f5 T
對內保密防泛民洩軍情首先，就係儲定糧水打持久戰，萬一要喺大樓過夜，都唔會有人捱飢抵餓。第二，預先度定「逃生」路線，反高鐵一役建制派夜遁港鐵，今次班「八十後」可能連港鐵都想堵塞，警方要做定工夫，萬無一失。最搞笑係，有建制派話，上次坐困圍城時，有泛民議員出入大樓探望，根本以慰問之名，助樓外示威者刺探軍情為實，所以建制派建議，「逃生」路線除不可外洩，亦要「對內」保密，費事「道高一尺，魔高一丈」，被敵人知所虛實，就功虧一簣。
www2.tvboxnow.com1 s2 [6 d! ~' H ?8 a0 e; |0 W$ U
本文連結 : http://orientaldaily.on.cc/cnt/news/20100611/00176_081.html

作者: hippy_123 時間: 2010-6-11 04:48 PM

出得來行，預左係煩。咁鬼無膽，番歸把啦。

作者: gztvb 時間: 2010-6-11 04:52 PM

又要威，又要帶頭規

歡迎光臨公仔箱論壇 (http://www2.tvboxnow.com/)