公仔箱論壇 - Powered by Discuz! Board

標題: 維修保養無王管　市民焗搭跳樓 [打印本頁]

作者: aa00 時間: 2011-2-25 01:07 PM 標題: 維修保養無王管　市民焗搭跳樓

馬路如虎口，行街要睇頭，搭驚墮樓，香港地搵食固然要醒，出入同樣要眼觀六路，耳聽八方。出門唔好彩撞正醉駕狂徒、天台鏹魔，隨時中招甚至玩完；就算返屋企亦冇安全感，分分鐘坐上「跳樓」嚇餐死。危機四伏，惟有自求多福。公仔箱論壇5 `0 |% Z; E+ ~& i! Z
; @  h  S' @' \7 ?) S
近排香港唔知係咪撞咗邪，連升降機墮咁罕見嘅意外都可以接二連三發生。呢，馬鞍山錦英苑本月中至發生過升降機撞散大堂門嘅嚴重事故，事隔幾日，紅磡一個私人屋苑又有升降機急墮二十層嘅「九霄驚魂」意外，家陣望見門都打晒冷震，唔知入嘅係升降機定「跳樓機」。
唔係市民反應過敏，查實事出有因。呢，兩年幾前大埔富善邨發生升降機斷纜，由十幾樓直墮地下意外之後，承建商維修保養不善個案愈揭愈多，愈爆愈恐怖。但問題曝光無助改善升降機安全，事故從未斷過。
全港目前約有五萬七千部升降機，機電工程署資料顯示，過往四年平均每年發生二百三十幾宗升降機事故，其中約一成四涉及機器故障，近期同類問題不斷惡化，升降機安全隱憂令人關注。公仔箱論壇% b' W, T) V5 R" y# l# Q  {
科技愈來愈先進，升降機意外反而有增無減，原來係維修保養制度出咗問題。業界人士話，呢行正面對人手不足、零件質素下降同埋鬥平鬥賤爭生意等隱憂。人手愈來愈少，工作量愈來愈大，惟有減少維修保養次數同降低質量要求，安全隱患由此而來。www2.tvboxnow.com8 \5 x4 J3 y  \3 I+ y
業界人士踢爆，二十年前一部升降機每月維修保養費用大約要五千蚊，港府十幾年前採用公開招標制度之後，就出現「價低者得」同綑綁式招標問題。同一屋苑嘅升降機就算牌子唔同，都由一間公司包維修保養，競爭激烈，保養費鬥到每部每月二、三千蚊，個個將貨就價搶生意，正如業內人士話齋，價錢減半，人手減半，質量咪剩番一半囉。
仲有更得人驚㗎，因為公開招標，有公司唔知日後有冇得續約，惟有用慳字訣，零件要捱到最後至換，甚至降低要求用內地貨代替外國貨，你話嘞，使用者安全又邊有保障吖。
人命關天，升降機安全絕對唔可以兒戲，萬一出事，後果可大可小。弊在負責監管嘅機電署對現行制度存在問題既冇足夠重視，亦冇主動糾正，業界罔顧安全嘅問題得唔到解決，反而更加嚴重，唔單止公屋同居屋，連私人樓宇升降機亦受到影響。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。8 v3 R7 ^. s8 g
呢，有觀塘區區議員狠批機電署監管不力，做得唔夠。有私人屋苑諗住搵優質嘅升降機承建商，但港府居然提供唔到足夠資訊，一啲都幫唔到，屋苑最終都係睇價錢高低做決定，安唔安全，惟有博一鋪。
最搞笑就係，無論升降機發生乜事故，困又好，打唔開門又好，如果冇人報警，機電署就十吓十吓乜都唔知。即使近年頻頻出意外，班官老爺照樣唔踢唔郁，簡直離晒大譜！
計功夫茶話齋，既然維修保養承辦商要招標至有得做，市民同樣可以公開招標請監管人嘅啫。如果價低者得，等機電署班高價懶官「下崗」，納稅人咪可以慳番一大筆囉！

歡迎光臨公仔箱論壇 (http://www2.tvboxnow.com/)