公仔箱論壇 - Powered by Discuz! Board

標題: 兩個和尚無水食　蚊型工程拖三年 [打印本頁]

作者: aa00 時間: 2011-3-27 01:37 PM 標題: 兩個和尚無水食　蚊型工程拖三年

將三級樓梯改成無障礙通道，咁簡單嘅工程一頭半個月乜都搞掂喇，勢估唔到嘅係，政府官僚死性不改，部門各自為政，互相扯皮，卒之拖足三年都未完成，問你服未！8 G5 R7 i. o% E6 t: t, B5 X

講都冇人信，港府搞無障礙通道，居然變咗設置人為障礙。呢，藍田廣田邨有靠輪椅代步嘅市民，經常要使用邨內嘅有蓋行人路，因為途中有三級樓梯，每次都要兜個大彎，路程遠咗不特止，仲要好天曬落雨淋，路途認真「坎坷」。www2.tvboxnow.com8 F/ \+ u' u, _0 Q9 p- s, K$ y
點解好地地一條路無喇喇有幾級樓梯？原來嗰度咁啱橫跨房屋署同康文署管轄範圍，「鐵路警察各管一段」，咪出現咁嘅奇景囉。查實，區議員早喺○八年已經要求當局加建無障礙通道，但兩個衙門因為維修同管理責任拗唔掂數，你推我讓，施工日期一拖再拖。
有公屋居民組織狠批官員玩拖字訣，亦有殘疾人士關注團體批評當局罔顧殘疾人士需要，其實講到底，政府靠得住，豬乸會上樹，呢班不問民間疾苦、只顧推卸責任嘅懶惰官僚，先至係阻住地球轉嘅最大障礙。
三個和尚就話冇水食啫，估唔到兩個和尚一樣唔掂。同樣估唔到嘅係，呢單個案經本報轉介後，房署同康文署突然如有神助咁，好快有回應，兩個部門不約而同咁話，已經就加建無障礙通道達成共識，預計四月初動工，一個月內完成喎。www2.tvboxnow.com$ i5 I# }6 r6 n% {& }" s3 A
講開又講，政府部門扯貓尾令工程延誤嘅醜聞早就罄竹難書。前排本報曾經揭發，因為城市規劃混亂，唔同部門各有盤算，互相卸責，前市政局及區域市政局時代規劃嘅百幾項文康工程，超過三分之一拖咗十幾年都未落實幾時開工。唉，呢頭市民等康體設施等到頸都長，嗰頭珍貴地皮用嚟養草養蚊，簡直不知所謂！
講真，如果唔係傳媒踢爆，呢啲醜聞唔知幾時至見光，問題唔知幾時至解決。本報投訴版舊年接到三萬幾宗投訴，涉及政府部門嘅個案超過一半，其中「投訴王」食環署有三千幾宗。但奇怪嘅係，申訴專員公署年報顯示，○九至一○年度收到涉及食環署嘅投訴只有二百幾宗咁大把，簡直係奇迹。
兩個數字相差咁遠，其實好簡單，哀莫大於心死，市民根本唔相信官府，就算投訴都係嘥氣，所以咪搵正義傳媒伸冤囉。* ?6 E6 ~$ X5 n" ^1 o0 m
政客成日鼓吹乜嘢「三權分立」，點知分而不立，搞到三權成日互鬥，令香港爭拗不斷，永無寧日。計功夫茶話齋，惟有傳媒呢個「第四權」最幫到市民手，可以監督政府，教呢班庸官懶官點樣做好呢份工。tvb now,tvbnow,bttvb) k+ [ A0 _* Z1 b) g

來源：《東方日報》

歡迎光臨公仔箱論壇 (http://www2.tvboxnow.com/)