公仔箱論壇 - Powered by Discuz! Board

標題: 最低工資問題多　超低智慧又惹禍 [打印本頁]

作者: excaliburs 時間: 2011-4-4 09:05 PM 標題: 最低工資問題多　超低智慧又惹禍

唔經又唔覺，時間飛咁快，四月一日愚人節都過咗嘞，距離五月一日實施法定最低工資仲有幾耐呢？傻嘅都知仲有唔夠一個月啦，即係眨下眼就到。好嘞，既然時間咁緊湊，負責執法嘅勞工處又準備好未呢？唉，講起上嚟唔知好嬲定好笑，勞工處處長卓永興為政府嘅慢動作公開道歉，事關針對九個特定行業撰寫嘅指引只係推出咗三份咁大把。卓處長話喎，期望可於本月中推出餘下指引，之但係不排除個別行業嘅指引要到條例實施之後先至出台。因為龜速，所以道歉，樣衰衰得嚟又滑稽。tvb now,tvbnow,bttvb8 a0 h( U7 C. i% |' W. _0 ]6 \7 }* Q- y
功夫茶有時候真係好鬼死懷疑，家陣官場打滾嘅人形物體到底有冇必要充滿智慧？有冇規定必須符合「最低智慧」？你知啦，最低工資問題多籮籮，卓永興之流嘅官僚居然遲遲未解決，如果你話處長大人唔係屬於低智一族，冇乜人信囉。公仔箱論壇6 y# P+ k5 a6 H4 Q
係呀，真係超低智慧o架，就以爭拗得最劇烈嘅飯鐘同假日計薪問題咁吖，條例居然容許僱主「合法剝削」，一話飯鐘同假日無薪，打工仔嘅薪酬水平隨時原地踏步。根據卓永興嘅解釋，如果更改《僱傭條例》列明飯鐘同假日必須支薪，討論將會更複雜，阻礙最低工資法例通過。www2.tvboxnow.com5 r& k9 }6 C! ? Q: x: C% J4 C
喂喂喂，如果討論複雜就懶得討論，計功夫茶話齋，公務員每年嘅加薪問題都唔好討論咯，事關真係非常之咁複雜o架，你話加得多，佢話加得少，人人一把口一百種真相。複雜咪唔好討論囉，公務員薪酬年年原地踏步，一個崩都唔加！) K7 T& h* v. {( [) t% i( i
超低智慧嘅表現唔止咁少o架，醫管局身為卓永興嘅官方拍檔，理論上應該以身作則做好最低工資嘅示範，哈，點不知局方被踢爆原來都係算死草。醫管局病人支援及運作支援兩個工種總共八千人，其中三千人起薪點僅僅七千九百元，即使連同飯鐘以及有薪假日，時薪亦只係二十九元，剛剛多過最低工資二十八元嘅要求啲啲咁多多。
政府冇以身作則吖嘛，無良僱主就扭盡六壬，一係更改僱傭合約，一係迫令員工「自僱」，據聞有大型家品連鎖店相當絕核，一嘢扣減本來有嘅勤工獎金，員工即使加薪都冇乜甜頭。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。: ~# o4 }2 W: H1 p
講來講去都係勞工處超低智慧又惹禍，部分僱主埋怨飯鐘同假日計薪問題殺佢哋一個措手不及，如果唔想被標籤為無良僱主，就要硬住頭皮大幅加薪，到時執笠都有份。
香港由一班咁嘅笨官管治，惟有苦中作樂，當每一日都係愚人節！

歡迎光臨公仔箱論壇 (http://www2.tvboxnow.com/)