公仔箱論壇 - Powered by Discuz! Board

標題: 有權斬妖竟養奸　餘孽姑息壹淫媒 [打印本頁]

作者: tyktyk22000 時間: 2011-12-9 09:14 AM 標題: 有權斬妖竟養奸　餘孽姑息壹淫媒

有權斬妖竟養奸　餘孽姑息壹淫媒壹傳媒旗下免費報紙《爽報》誨淫誨盜，呢家嘢係人都知，否則都唔會出現「反爽報色情資訊行動」，積極呼籲罷看罷取罷入屋，藉此表達市民憤怒喇。之但係有一家嘢大家未必知，就係政府其實有權直接檢控，可惜至今棄權不用。
嗱，就咁，商務及經濟發展局回覆立法會教育事務委員會嘅信件指出，考慮到淫審處過往評級，以及公眾非常關注《爽報》刊載不雅物品對青少年產生不良影響，影視處如果發現《爽報》明顯違反《淫褻及不雅物品管制條例》，並故態復萌，會考慮加強執法，向有關出版商直接檢控，而不會事先將有關物品交淫審處評定類別，以確保檢控行動更快捷。簡單咁講，對於一個案底纍纍嘅積犯，影視處有權不送審即檢控。淫審處審裁委員張民炳就話嘞，法律冇訂明必須將物品送交淫審處評級先至可以檢控，只要影視處憑專業判斷認為物品屬於第二類不雅，已經可以直接檢控，再由刑事法庭交由淫審處裁決及量刑。! @& _0 o$ l# D9 @; P
喂，淫賤黎旗下壹淫媒所有刊物絕對係證據確鑿嘅長期積犯啦，總計案底累積一百一十六次，你都咪話唔喪心病狂。至於最近獻世嘅《爽報》，宣淫能力更加係青出於藍勝於藍，出版咗未夠三個月之嘛，已經有二十三次被評為第二類不雅。好嘞，影視處既然有權直接檢控，因乜事幹將一把尚方寶劍束之高閣？點解唔攞把劍去斬妖除魔呢？原因非常之咁明顯，包庇囉，縱容囉，姑息養奸就係咁解。( s: m; i/ i- G9 }% c6 ?
香港回歸之後，港英餘孽仍然左右大局，當然將沆瀣一氣嘅淫賤黎照顧得無微不至啦。違例犯罪百幾次，次次都係輕輕放過，最重嗰次都係罰款五萬元咁大把，你話唔係包庇縱容都冇人信。反而咯喎，選擇性針對東方報業集團就不遺餘力。好似○五年咁吖，《東方日報》同《太陽報》刊登一輯外國女星Kelly Brook沙灘性感照，經打格仍被評為第二類物品，之但係《蘋果日報》刊登同一輯照片，僅僅被評為第一類非不雅，而香港有售嘅外國雜誌《NOW》刊出同一輯照片，冇打格又冇封套，竟然送審都唔使，反映淫審處同影視處係三重標準。
講到選擇性針對東方，簡直離譜到匪夷所思。九四年《東快訊》刊登一則出現著名藝術品大衞像嘅廣告，哈，淫審處居然評為第二類不雅物品喎，咁嘅野蠻行為令香港淪為國際笑柄。
全國政協委員劉夢熊就講得啱嘞，特區政府司法部門仍然停留於殖民地思維，一方面寬待壹淫媒，另一方面將東方視作眼中釘。
有冇辦法撥亂反正呢？當然有啦，一係吊銷牌照，一係拉人坐監。問題係，港英餘孽點會捨得劏咗自己隻狗吖！

作者: aa00 時間: 2011-12-9 10:20 AM

影視處姑息養奸壹淫媒有恃無恐公仔箱論壇" ]- _/ V7 ]7 ?  k4 I
公仔箱論壇3 `1 a5 n. x0 h
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。; t& M. o6 _6 u8 h

好多人以為，對付淫賤傳媒不斷發放淫褻及不雅物品，係要先經淫審處評級，然後先至可以提出檢控。其實呢個純粹係誤會，執法部門原來有權對屢犯不改嘅傳媒採取直接檢控，而毋須先評級咁麻煩，即係話，當局完全可以先斬後奏，估唔到呢？

唔係太一叮吹水，而係當局自己踢爆o架。商務及經濟發展局最近覆函立法會，聲稱考慮到淫審處過往嘅評級，以及公眾非常關注《爽報》刊載不雅物品對青少年嘅不良影響，影視處若發現《爽報》刊載嘅內容明顯違反《淫褻及不雅物品管制條例》，並故態復萌，會考慮加強執法，直接檢控有關出版商，而唔會事先將有關物品交淫審處評級，以確保檢控行動更快捷咁話。

www2.tvboxnow.com! p/ H* a( H3 P0 {) |, `# }% E
嗱，姑妄言之，姑妄聽之，影視處話就話擁有一把先斬後奏嘅尚方寶劍，但幾時見過用來對付淫賤傳媒呢？咁多年來，壹淫媒旗下刊物違反《淫褻及不雅物品管制條例》個案已多達百幾宗，影視處從來冇主動檢控。仲有吖，壹淫媒旗下免費報《爽報》出版未夠三個月，已有廿三項內容被評為二級不雅，成為過街老鼠，人人喊打，但影視處執法咪又係懶懶閒。所以話，當局今次聲稱會考慮加強執法，直接檢控有關出版商，大家聽吓好喇，千祈唔好盡信吖。www2.tvboxnow.com; ^2 n1 R% j8 J( _1 H7 _. G' L  B, `
www2.tvboxnow.com1 K% `5 c) l5 v- Q" Q

正如全國政協委員劉夢熊話齋，當局「權力缺鈣，執法陽痿」，對壹淫媒旗下刊物慣性輕判輕罰，好多仲係不判不罰，最近眼見社會不滿《爽報》嘅聲音日增，影視處先至話加強檢控，希望佢哋講得出做得到，唔好又係吹水喇。
# x8 {& [' y& n4 ^
tvb now,tvbnow,bttvb* D( _6 s' @! R% x) x; P
「十年磨一劍，霜刃未曾試」，壹淫媒屢告屢犯，宣淫無道，正正因為當局姑息養奸，尚方寶劍藏而不用，淫賤黎有恃無恐咯喎，梗係愈淫賤愈快樂喇。
公仔箱論壇: @& e4 X4 b. g( _# V

最離譜嘅係，影視處有例不依，對壹淫媒百擒百縱，但對東方報業集團就從不手軟，從回歸前至回歸後，東方無數次被當局選擇性檢控，簡直不堪其擾。最經典嘅例子莫過於Kelly Brook事件，刊登同一輯外國女星性感照，《東方日報》及《太陽報》打咗格仔仍被評為第二類物品，而爛果報就被評為第一類非不雅，喺香港有售嘅外國雜誌《NOW》無打格無封套，連送檢都慳番添。同一天空下，竟然有三重標準，問你服未！

劉夢熊分析，當局取態擺明涉及政治因素，特區政府仍停留於殖民地思維，寬待壹淫媒，卻視東方為眼中釘。冇錯嘞，今時今日，反中亂港有運行，愛國愛港冇前途，港英餘孽同淫賤黎沆瀣一氣，包庇淫媒又有乜嘢出奇吖，叮！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! q0 K: e, X% R9 g/ s0 M

tvb now,tvbnow,bttvb* ~9 t% E: B. Z
www2.tvboxnow.com; C! D' S! ^- N6 H6 H" y9 ^: @
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- o6 W8 b& }& V2 Y* Z8 Y! s' L4 C
來源 / 版權所有：  《太陽報》 / 作者
(以上内容摘自或摘译自其它媒体 / 作者，不代表發帖者观点)

歡迎光臨公仔箱論壇 (http://www2.tvboxnow.com/)