公仔箱論壇 - Powered by Discuz! Board

標題: 統一派位好奇幻　教局玩到家長殘 [打印本頁]

作者: tyktyk22000 時間: 2012-1-6 09:35 AM 標題: 統一派位好奇幻　教局玩到家長殘

美國內華達州有一個軍事重鎮五十一區，大家即使未去過都應該聽過，事關嗰度係一處神秘莫測嘅地方，相傳收藏咗墜毀嘅飛碟以及外星人屍體。

公仔箱論壇+ c' Y) z7 O, M9 j8 H" L
唔講大家可能唔知，原來香港都有一個非常詭異嘅區域，足以同美國五十一區互相輝映，亦可以視作港產神秘百慕達三角洲。乜嘢區域咁奇幻呀？各位觀眾，就係四十一校網區！www2.tvboxnow.com, j' q. w; o5 m) ?) W
四十一校網區名義上屬於九龍城，即係名校林立嘅校網。作為家長選校聖地嘅四十一校網區，名校包括喇沙小學同埋瑪利諾修院學校小學部等等。詭異之處就在於，身為九龍城居民嘅你，明明以為自己嘅寶貝子女會透過統一派位機制被派去九龍城名校，點知到頭來，令郎令千金竟然會神奇地被派去黃大仙，可能係一間面臨被殺厄運嘅學校，你話係咪玄之又玄！公仔箱論壇$ S D! i1 q! }0 ~% e/ ^$ ~0 ~" V+ w4 S
四十一校網區之所以咁詭異，幕後操控嘅神奇魔術師當然係教育局啦。其實件事係咁嘅，本年度參加小一統一派位嘅學童有四萬五千五百幾人，比上年增加接近三千人，加上「世襲生」侵蝕學額，令到競爭非常激烈。九龍城四十一校網區自行收生階段結束之後，十一間小學僅餘五百六十四個學額供統一派位。供不應求之下，教育局從黃大仙四十三校網區借調學額，十間小學合共二百三十個學額撥歸四十一校網區作為統一派位。問題係，借出學額嘅黃大仙十間小學之中，有三間喺自行收生階段仍未收足十六人逃過「殺校死線」，明顯唔係質素有保證嘅心水之選。
打個譬喻吖，你向一間米芝蓮三星級餐廳預早訂位，希望侍應安排一張靚枱，點不知一去到之後，侍應同你講，全場爆滿冇位嘞，不過借調咗一間大牌檔嘅枱畀你，你會有乜反應？功夫茶相信，你嘅反應一定充滿飲食男女嘅人體器官。
香港家長聯會會長李偲嫣係咁講嘅，四十一校網區嘅跨區借位比率令人吃驚，勢必引起該校網家長恐慌，估計約有兩成受影響家長會考慮即時搬遷，以免被派往黃大仙學校。李偲嫣批評教育局「每年都毫無預算，只係臨時借位頂住先，家長就被動變成受害者」。
簡單咁講，教育局玩咗一場好奇幻嘅統一派位魔術，令人不知身處何方去鬼咗邊，明明位於九龍城一嘢變咗黃大仙。不過可惜吖，呢場魔術將家長玩到殘，唔知有冇機會望子成龍。tvb now,tvbnow,bttvb+ m) X# o7 x$ _ A4 x
計功夫茶話齋，好心教育局唔好玩啦，有必要認真檢討統一派位機制，尤其係徹底改善「世襲制」。都二十一世紀啦，學額分派居然依靠出身血統，你估香港係王位三代相傳嘅北韓咩！

作者: 4557 時間: 2012-1-7 02:56 AM

借錢聽得多學校都有得借調真系荒唐
取消「世襲制」睇怕好難自願啦" t0 G9 T+ R7 o4 Q% A
用乜易第日要搭棚籌旗個陣無人幫手

歡迎光臨公仔箱論壇 (http://www2.tvboxnow.com/)