公仔箱論壇 - Powered by Discuz! Board

標題: [討論] 史雲斯場波睇到火都嚟！ [打印本頁]

作者: alo2688 時間: 2012-1-16 01:05 PM 標題: 史雲斯場波睇到火都嚟！

聯賽兩連敗啦，下個禮拜重要對曼聯，呢雲真係無眼睇！

睇返呢兩場波既對手其實又唔係勁，富咸今場重要係對手少打少一人既情况底下輸波，所以阿記真係無理由輸得咁肉酸。連續兩場波對手行雲流水既表現無論控球，埋門都咁住阿記嚟踢，搞到好似人地踢得似阿仙奴多過我哋係，你話眼唔眼火爆呀!

今場點解唔出阿迪達(可能傷咗啦)，但都唔係話明明見到B30豪無表現都唔拿拿臨派路斯基上，係都要死到臨先俾佢哋上就死啦，你睇下佢哋上場之後場面差幾遠就知啦。至於條所謂既後防線就更加唔洗講,迪左奴簡直係包越位既高手，對手入球既本錢，仔唔講啦如果雲加肯買人，洗鬼出佢咩!又唔係無錢，上次賣人D錢大部份都未用,省埋D錢嚟去踢歐霸咩，到時計返條數又係得不償失！

輸得咁肉酸雲加又一如已往賴地硬，如果我係佢真係無地自容呀，所以唔該買人啦!
咁既陣容些對曼聯真係好擔心呀！

作者: kikideebaby 時間: 2012-1-16 05:32 PM

問心個句，史雲斯這場波打得很好，在落後反勝，
輸得心服，有5個入球看都幾好看lo！

作者: firemic 時間: 2012-1-16 07:34 PM

形容得好好~包越位高手,佐迪羅天生根本就係一舊垃圾,好彩佢哩場無其他犯錯!

我認為哩場既問題都係在於後防.....速度慢,無組織,完全防唔到派拿

買人?我認為唔好期望太高,我諗云加只會買1-2個超平垃圾頂左右閘咋

唔通云加真係要連前4都攞唔到先識醒.......

不過哩場值得一提就係中場D傳送

至於對曼聯我一D都唔擔心,曼聯後防依家好屎,應該55波

作者: mysteryray 時間: 2012-1-17 02:49 PM

大家冷静的D!!
輸呢場波完全係因為陣容結構上既問題, 當球員做唔到教练吩咐既野, 質素自然无咁好.

有冇諗過云加係呢場波出既陣容有問題?
阿记中路3個一直以黎都係藍斯+阿迪達+桑治正選, 分工好清晰. 桑治集中防守, 阿迪達負責控制節奏+分波+駁腳. 而藍斯就負責串連中場同前面3個. 當然, 有時藍斯最後射门果腳唔係太好, 但係都有起到威脅性

呢場波阿迪達因故缺阵, 云加改用班拿約, 安排藍斯做阿迪達既野, 班拿約做藍斯既野, 問題係藍斯未夠火喉做到阿迪達既野, 分波同节奏控制得唔够好, 當队中无人控制到節奏, 進攻上自然无威脅, 容易斷纜.

班拿約更加无可能勝任中路3個其中1個, 因為佢无防守意識, 佢系个不节不扣既边路球员, 佢系可以做波, 但絕對唔會打中路3個其中1個. 路斯基係個比較好既選擇. 但當進攻上容易斷纜, 双翼就唔會有波到, 所以边路机呼成場隱形.

而且两閘又唔係正宗, 两翼根本起唔到作用. 艾沙雲要有作用既話, 真係要队波控制哂戰局先得, 要佢跑要佢防守真係唗氣..

作者: noandjune 時間: 2012-1-18 03:21 PM

整場波中後段係俾史雲斯壓住打, 上場被富咸反勝都仲可以賴話打少個兼衰在最弱果樣---防守死球

但今次明顯同一隊相似踢法球隊技術性擊倒, 特別係雲格依然調派一個經常唔係交失波就係被對手迫甩o既藍斯, 第一球已經係唔需要從後勾個波因為正面已經有兩個隊友迫埋對方, 失左個十二碼都係無奈, 但被對手反勝果一球, 實在係肉酸到不堪, 對方只有一個球員正面壓迫, 身材又唔係特別高大, 都可以輕鬆拍甩佢做反攻, 佢點樣稱職呀......

歡迎光臨公仔箱論壇 (http://www2.tvboxnow.com/)