公仔箱論壇 - Powered by Discuz! Board

標題: 學童午膳點蟲蟲美心飯盒多嘢送 [打印本頁]

作者: allo 時間: 2012-5-16 05:01 AM 標題: 學童午膳點蟲蟲美心飯盒多嘢送

; ~  _" N; Q6 I# q* n- X
「點蟲蟲，蟲蟲飛」，充滿童真嘅兒歌，居然變咗學童嘅噩夢，令人聞蟲色變。太一叮講緊嘅係美心「加料」食品，蟲蟲送不停，禍及小生命。

話說美心集團旗下供應全港多間中小學嘅「原美」品牌學童飯盒，原來名不副實，唔只不美，簡直核突兼攞膽。淨係計舊年十一月起半年內咋，已最少四次被聖公會聖雅各小學發現飯盒附送異物，最近一次仲離譜，飯盒竟然有昆蟲混喺汁液當中，校方為學生健康著想，焗住終止同原美下學年嘅合約。食環署亦承認，曾經接過涉及原美嘅食物投訴。7 e3 f7 k& t/ T  \
+ }* s# s1 T" a+ e* h
咁就奇喇，飯盒有保鮮膠紙密封，送到學生面前至打開，照計蟲蟲冇機會飛入去o架，唯一嘅可能就係源頭出事，即係話食物製作過程唔乾淨，問你怕未。不可不知，原美係本港大型學童午膳飯盒供應商之一，市場佔有率超過兩成，連唔少傳統名校都幫襯，食物衞生咁鬼兒戲，核突事小，影響學童健康事大，家長唔驚就假！( [2 Z/ t/ a0 X' n( l- @

話時話，聖公會聖雅各小學踢爆嘅美心食品問題，可能只係冰山一角嘅咋，好多學童打開飯盒就食，就算中咗招都唔知喇。唔係嚇你o架，美心集團旗下食肆食物「加料」早就唔係乜嘢新聞，流沙奶黃包送曱甴幼蟲、三鮮燴麵送臭蟲殘骸、油菜送甲蟲屍體、豬扒飯送長頭髮、可樂送疑似鹽蛇、荷葉飯送斷匙柄等等，簡直無奇不有。資料顯示，美心違反《公眾衞生及市政條例》嘅定罪紀錄有近百項，其中至少廿八項涉及食品加料，淨係今年，美心集團已被法庭罰款三次。最駭人聽聞嘅係舊年六月，有市民喺沙田一間美心分店買咗低糖凍綠茶，飲飲嚇至發現口含曱甴，幾乎吞咗落肚，真係諗起都作嘔。www2.tvboxnow.com! D# J- [' J. M# D  Y; g8 j) V; Y

講開又講，食物加料，肉眼見得到，都仲比較容易提防，如果細菌超標咯喎，咁就防不勝防喇。呢，舊年底之嘛，美心一間中式酒樓嘅蘿蔔糕被食安中心驗出致病菌超標近二百八十倍；而環保署上月公佈嘅三月份檢控數字，再揭發美心旗下食肆八月軒非法安裝火爐污染空氣，罰款了事。
  O1 q  G+ n/ x5 W& F: A5 G
講到底，美心食品衞生問題多多，劣跡斑斑，投訴幾乎厚過電話簿，而且屢犯不改，加料不斷，皆因港府執法不嚴，懲罰太輕。正所謂，禁而不止，則刑罰侮，如果衞生當局仲唔執正嚟做，加重刑罰，只會有更多市民中招，遲早爆大鑊嘅咋，叮！0 j& Y' W- S# V" ]5 ?* v
tvb now,tvbnow,bttvb* `0 @" }/ x" i# ~/ ~# X% x! b
太陽報

作者: tyktyk22000 時間: 2012-5-16 10:00 AM

美心飯盒點蟲蟲官僚姑息奸商飛點蟲蟲，蟲蟲飛！
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。8 P* h6 z) M. ]$ Z {: n, c i5 ^2 A
如果蟲蟲係蝴蝶，飛入花叢草皮就話賞心悅目啫，萬一蟲蟲係曱甴，一飛就飛入你個飯盒，睇怕你隔夜飯都嘔番出嚟。曱甴呢家嘢，相信係地球上體積最細但係又有最大驚嚇能力嘅昆蟲，莫講話嬌滴滴大小姐會嚇到花容失色，眼耳口鼻隨時跌晒落地，即使男人老狗好多都患有「蟑螂恐懼症」，一見到曱甴就會發軟蹄兼叫救命。
好衰唔衰，美心集團旗下食肆懷疑係「曱甴飯盒供應商」，一次又一次免費加料送蟲蟲，唔食死你都嚇鬼死你！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。$ d1 b* S4 L1 |$ n
呢嗱嗱嗱，美心旗下有一條專門供應全港多間中小學嘅「原美牌」飯盒生產線，市場佔有率兩成以上㗎，好多傳統名校都係客仔。其中一個客仔係聖公會聖雅各小學，半年之內至少四次發現原美牌飯盒內藏異物，今個月更加有一次見到汁液之中有昆蟲。到底係乜嘢昆蟲呢？校內盛傳，正正就係人見人怕、鬼見鬼愁、神見神憎嘅曱甴！
由於原美牌飯盒質素冇因為校方不斷反映意見而改善，聖公會聖雅各小學決定終止合約，以免小朋友病從口入。怒炒曱甴飯盒供應商固然係比較安全嘅自保行為，煩就煩在學生哥覓食困難，其中一個家長訴苦：「由依家到七月，一係繼續要仔女捱美心（原美）飯盒，一係家長帶飯到學校，煩死人！」
講真吖，外號小強嘅曱甴，可能係最似外星怪獸嘅地球生物，趕之不盡，殺之不絕，數量比起中國同香港嘅貪腐官僚仲要多，真係好討厭o架。點解堂堂一個美心集團，居然容許旗下食肆有曱甴出現嘅呢？如果你話神州大地氾濫成災嘅黑心食品係貪官包庇縱容所致，功夫茶就認為，香港嘅邋遢飯盒係處罰不嚴嘅惡果。
睇下美心集團嘅前科吖，曾經有九十二項違反《公眾衞生及市政條例》嘅定罪紀錄。只計今年，美心至少被法庭處罰三次，大家估下有乜嘢懲戒吖嗱？答案係合共罰款七千六百元。
喂，大老爺，三次違例都係合共罰款區區幾千銀，簡直雞碎咁多，試問對於一個大集團有乜嘢阻嚇作用呀？其中一單案例係話，有食客去年六月於沙田禾輋商場美心MX分店購買低糖凍綠茶，飲用期間發現口含蟑螂，法官講到明令人厭惡，之但係罰款只不過三千元咋，求其搵一個美心小職員都賠得起啦，大老闆當然覺得不痛不癢。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。8 V% L2 P+ }, Z* l) r6 I1 G
即係咁，治亂世必須用重典，大老爺唔用重典咯喎，莫講話蟲蟲飛，連奸商都會飛，呢家嘢叫做姑息養奸。
既然美心飯盒點蟲蟲，執法同司法官僚就唔可以再姑息，否則以後真係有機會食死人o架！

歡迎光臨公仔箱論壇 (http://www2.tvboxnow.com/)