公仔箱論壇 - Powered by Discuz! Board

標題: 粉嶺多年經歷之 (二) [打印本頁]

作者: soforlee 時間: 2012-8-18 09:45 PM 標題: 粉嶺多年經歷之 (二)

事發亦係在祥華邨，在2001年至2002年，果時家中可以話得我一個住，我老豆不常在港，有一晚凌晨，我聽到把女人聲發出一d奇怪既叫聲，有d似人演奏咁，但係沙聲及低沉，初時以為樓上樓下d人，冇理。如是者個多星期每晚凌晨1:00左右出現，我開始覺唔妥，於是唸南無阿尼陀佛，因為我早年已皈依，每次我不停唸，真至瞓著。不過日子一久，那個“她“開始過份，我再次聽到把女人低沉聲，唸經如是。而且我仲發覺佢日間可以出沒，我慣性得我一個在家我也閂房門，但冇鎖，不過就常常好似有人刻意推開，又試過在超市買完野放在枱，我睇住袋野好好似有人八卦想裏面有乜咁，成個袋打開。其實咁多位知唔知，果d“嘢“有時係一縷煙既型態出現，開頭我不以為意，在廳見到有煙，以為係蚊香，但心諗，我冇點喎，而且又冬天我連窗都閂埋，心中不禁一寒，而且仲要不分日夜在家中出現。果時我gf間中到我家，但每次gf一入門不久就會劇烈頭痛或肚痛，去到醫院又乜事都冇，也check不到，我終於留意到我gf一離開我家便痛楚全消其實我好驚，唔知點，唯有死撐。果間我有幫襯開一位出名卜卦師傅，佢好準，我未開口佢已知我來意，佢係真盲，連眼球都冇。佢向我講，話我屋企有隻女鬼，年紀同我相約，佢唔會攞我命，只係滋擾，至於我gf到我家就痛，原因係隻女鬼唔底得。我終於知隻女鬼底蘊，但我犯咗兩個錯，(一)我表現到驚咗佢，(二)由於我知佢年紀同我相約，當年我廿多歲。有一次我又見到d煙，仲感覺到雙腳有涼風吹，因我在家中只穿短褲，當時我發火小佢，“八婆你適可而止！我又冇害過人，亦冇對人唔住“你咁鍾意搞人，你來世做人，俾其他鬼搞你咁你會點？真係抵你咁早死“講完我就去超市買野，當我回家時，我在門外聽到家中“馮馮聲“我心知不妙，我一入屋見到既情竟永世難忘，廚房個水龍頭被開到盡，成地水。如果我忘記閂水喉都不會開到盡。當晚我立刻離家，不常在家瞓及後我再去揾占卦師傅問解決方法，佢叫我開燈瞓，唯有照做，其實各位知唔知，鬼係知你個心諗乜！往後每晚隻女鬼總搞小動作，例如敲枱，大力拍廚房廁所門。我俾呢隻野纏咗一年有多，有回覆我再寫件事點解決我有日諗起我在龍山寺皈依，揾主持寂照法師可否幫我？於是我去揾法師傾，佢叫我在家中施食，即係用鹽加米混合，然後撒於家中角落。回家後照做，一星期後問題依舊，我再去龍山寺，今次巧遇果度經理，同他請教，佢話不如到你家做法事，我心想，死喇好貴喎，當時又失業，但好似諸佛菩薩知道咁，經理話我在龍山寺皈依，法事不需俾錢，你喜歡也可隨心。當時真係好感動，於是相約數日後做法事，當日經理及三位僧人到來，在我家中每處灑淨，又把佛像開光，當時係感到家中有祥和舒服感覺，但我常覺門外鐵閘旁有團黑影，由其每當我出入期間，不過隻野仍未肯罷休法事後數日，我在廳中又見白煙，低沉聲又在耳邊响起，心諗！又嚟？我要聲明，佛教儀式唔係冇效，佛家係向善，類似社工咁，以化怨為主。隻女鬼變本加勵，試過我瞓緊覺時感到有手指劃過我背脊，連我gf也感到，有d行徑以為在戲先有，例如風扇先行開著，我投1度，會轉成3度，再唔係咩，半夜又自動開。最過份一次我瞓覺途中，我發生類似鬼上身，一拳打向gf頭部，我gf痛到喊。然後聽到隻女鬼好開心既笑聲，翌日我收拾細軟，去親友家暫住，終於在無奈下搬走，平時得閒會入廟上香拜神禮佛，但自從遇到女鬼後，每次入廟得好多雜念與及好多不該出現的畫面浮現。搬走後冇再見白煙及怪聲，不過事件未完。有次機緣巧合下有位朋友識得位泰國僧人來港，佢入住佐敦某酒店，有幸同他見面，順便一提，各處鄉村各處例，泰國和尚有？於中國及香港和尚，例如佢地會食肉，因為化緣，人家俾乜佢食乜，到我同位僧人見面時，我合十跪下，奇時發生，我雙眼眼皮不停震動，然後位僧人叫我上身除衫，跟住佢用不知名硬物，由頭頂至背脊大力畫d野，好痛！數分鐘後佢徒弟叫我起身(佢會講中文，亦是翻譯)。我從冇向泰僧提及女鬼事件，但他卻對我講:唔好既野走晒，佢阻你聞佛法，但唔會再有事。在離開時朋友卻同我講咗件恐怖事，朋友話僧人用物件畫我背脊時，見到我頭上有白煙飄走。困擾我年多既事終畫上句號。

作者: 黎明明 時間: 2012-8-19 01:41 PM

thanks for share

作者: aaccppkk 時間: 2012-8-19 05:38 PM

thanks for share

作者: akumahk 時間: 2012-8-24 08:44 PM

雖然好睇, 但下次標點符號可以用好一點嗎?

歡迎光臨公仔箱論壇 (http://www2.tvboxnow.com/)