標題: 利物浦超班又數胡 足總盃鋪鋪大蝦細 [打印本頁]

---

作者: may5411    時間: 2008-2-16 03:17 PM     標題: 利物浦超班又數胡 足總盃鋪鋪大蝦細

利物浦近期在英超連場失分，爭標無望，今季餘下目標剩番英足總同歐冠盃兩項盃賽，今晚足總盃十六強主場迎戰班士利，阿古睇好「紅軍」。利物浦對上兩次主場對低組別球隊都能大勝晉級，今場可捧「讓球主勝」。（now 671周六晚11時直播）

　　上仗賽和車路士後，利物浦落後榜首阿仙奴十九分，爭標名存實亡，下半季聯賽目標只係保住第四名歐聯資格，聯賽冇機會，領隊賓尼迪斯惟有做番「老本行」，就係向盃賽進發。

　　足總盃同歐聯將成為利物浦今季餘下目標，首先係今晚足總盃第五圈對班士利，跟住係下周中歐聯十六強首回合主場對國際米蘭，淨計呢兩場波，係人都知一定係班士利呢場易踢，所以阿古唔擔心佢會留力，今場一定搏盡求勝。

　　費蘭度托利斯復出候命

　　雖然賽前傳出後史卡迪爾受傷，但利物浦可用兵源仍然充裕，希比亞、艾比路亞、奧利里奧悉數傷愈，早前國際賽受傷前鋒費蘭度托利斯亦已康復，賓帥話佢好大機會留力應付國際米蘭，不過今場一樣會畀佢場邊熱身，隨時候命。

　　利物浦對上兩圈對盧頓同哈雲特兩支低組別隊伍，兩次主場出擊都能攻入對手五球，佢對實力較弱球隊有大勝把握，今場對手係英冠中游分子班士利，利物浦可望輕取對手。

　　班士利近兩作客失七球

　　睇番班士利陣容，今場以富咸借將華納把關，可惜打比郡借將尼亞坦加停賽。班士利作客表現甚差，近兩場作客高雲地利同普利茅夫共輸七球，今晚到訪晏菲路球場又係吞蛋之時。

---

作者: canz85    時間: 2008-2-16 07:14 PM

哈哈哈~~~因为我们行大运啦~~~哈哈哈~~~
希望这一场不要踢得很难看吧~~~~一定要赢到最后呀！！！！！！！！！！！！！

---

歡迎光臨 公仔箱論壇 (http://www2.tvboxnow.com/)

Powered by Discuz! 7.0.0