公仔箱論壇 - Powered by Discuz! Board

標題: [港澳台] 派糖純粹掩眼法磨刀霍霍更無良 [打印本頁]

作者: serrurier 時間: 2015-3-2 04:37 AM 標題: 派糖純粹掩眼法磨刀霍霍更無良

派糖純粹掩眼法  磨刀霍霍更無良www2.tvboxnow.com5 z$ s' d9 E0 q1 ^, p% ^

財爺曾俊華鍾意玩「狼來了」把戲，早就唔係新聞，奇就奇在新一份財政預算案唔止玩「狼來了」，仲玩埋「掩眼法」添，令人嘆為觀止。正如「東方報業民意調查」顯示，絕大部分受訪者直斥鬍鬚曾目光短淺，不務正業，所謂大手筆派糖，無非敷衍輿論，轉移視線。
  _- ]; v. x! T
高估開支，低估收入，一向係鬍鬚曾嘅慣用伎倆，今次亦唔例外。佢去年預測本年度只有九十一億元盈餘，結果庫房錄得六百三十八億元進帳，如果加上二百七十億元嘅房屋儲備金，盈餘超過九百億元，係原先估計嘅十倍，你話佢嘅預測能力係咪差過小學雞吖。好嘞，庫房嚴重水浸，鬍鬚曾幾孤寒都好，都冇藉口唔派糖喇，今次話就話大手筆派咗三百四十億元，表面上係順應民意，實際上只係掩眼法咋。9 i( n7 z1 l' C  O4 F7 D
www2.tvboxnow.com( S9 ~3 X6 O9 Q. G! |
點解咁講？睇吓條數就清楚喇。派糖係一次性措施，根本解決唔到問題，反而經常性開支僅增加百分之六，扣除通脹幾乎冇增加，尤其係大家最關心嘅醫療衞生及中學教育經常開支，分別微增百分之零點八及百分之一點二咋。「東方報業民意調查」顯示，三成四受訪者指欠長遠政策，派糖措施難解困；兩成八批評無措施增加社會流動性；兩成二直斥杯水車薪，受惠少。

即係咁，鬍鬚曾冇遠見、冇承擔都算嘞，最離譜嘅係呢頭派糖，嗰頭加費。呢，預算案提出檢討逾二千二百項民生收費，例如將火葬費由九十元暴增至六千多元，仲重提開徵商品及服務稅添，磨刀霍霍，問你點頂。難怪三成八受訪者直斥鬍鬚曾不知民間疾苦；三成二擔心刺激通脹，生活百上加斤；兩成一批評佢輕視民生。公仔箱論壇% [. S2 o! c2 S7 L% q, e

最好笑嘅係，港府窮得只剩下錢，連鬍鬚曾都承認未來幾年「年年有餘」，點知佢係都要危言聳聽，聲稱十年後將出現結構性財赤，為增加民生收費背書。冇錯，好天斬埋落雨柴，冇人會話唔啱，問題係家陣社會問題千頭萬緒，矛盾愈演愈烈，眼前問題都未解決，仲學人擔心十年後喎，你話係咪無聊吖？
- G- f6 D* n/ Q1 @
唔怪得有人話，鬍鬚曾連公司會計都不如，根本冇資格做港府大掌櫃嘞。市民眼睛係雪亮嘅，三成二受訪者批評鬍鬚曾目光短淺，保守官僚；兩成九直斥佢無視貧富懸殊，不務正業；一成二炮轟政策高大空，欠具體內容。公仔箱論壇" ?! {. {0 }' ?1 s3 K' {1 E( s

冇計喇，港產官僚大事做唔到，小事做唔好，旨意佢哋謀劃未來，根本係緣木求魚。正如車公話齋，「色則是空空是色」，派糖最多只能夠甜一甜嘴巴，深層次矛盾依然存在嘅咋。

歡迎光臨公仔箱論壇 (http://www2.tvboxnow.com/)