公仔箱論壇 - Powered by Discuz! Board

標題: [時事討論] 左丁山 - 精簡大學校董會 [打印本頁]

作者: kidhitomi 時間: 2015-8-7 12:27 PM 標題: 左丁山 - 精簡大學校董會

精簡大學校董會www2.tvboxnow.com* m4 X2 I4 M& d Q, e& g( o

星期日飲茶，碰到財務M，佢嘩嘩叫話冇人叫佢聯署捍衛港大嗰篇廣告，令佢呢位老校友好唔爽。問佢有冇參加香港大學校友會，佢話冇，上去業豐大廈港大校友會會所食飯就有，問佢有冇參加UGA，佢反問UGA係乜，又問佢有冇去過港大畢業生議會Convocation活動，佢又話冇。左丁山對佢講：「抵你啦，你平時完全唔參加校友活動，啲聯署發起人都不知你高姓大名，位於何方，點搵你簽名呀。」財務M畢業年份甚早，與陳坤耀差唔多，係老鬼中之老鬼，唔多唔少與新時代人物脫節，唯有叫佢上吓港大網頁，瀏覽吓Convocation會在幾時召開大會討論「等埋首副」之事。新人物反為有網絡聯絡，沙田陳太嘅女婿醫生M係中大畢業生，但於港大得碩士學位，咪有參加聯署囉。5 {# d+ w* X/ M0 m
港大等埋首副之事，聽講幾難收科，一來校友分裂成兩派（例如石鏡泉反對陳文敏，文灼非支持），聯署都分兩種，一種（如曾刊登報紙廣告，吳靄儀、詹德隆等等）反對等埋首副，一種（如潘麗瓊、李家仁醫生）譴責學生暴力，再加上政治，建制派全力趕陳，泛民政黨全力撐陳，陳文敏自己聲言不會自動放棄，即係要迫校委會否決，做衰人，故此呢件事情必定拖到梁智鴻夠鐘落台，大熱門李國章上任之時，花生友還可睇戲睇多三個月起碼。
文灼非在電台講及港大校委會內，外人多過港大人，吳靄儀、葉建源在八月二日明報亦係咁講。事實上，八間教資會院校之中，七間已按照2002年教資會發表之宋達能勳爵（Lord Sutherland）香港高等教育檢討報告，指8間院校校董會、教務會（senate），委員眾多，開會時難以深入討論／辯論校政，不符合現代大學管治之best practice，主張大力精簡，校董會由50幾人削至25人左右，並為咗加強向社會問責，校董人數應以外人為多。報告發表後，港大率先響應，改組教務會與校董會，實權改由校務委員會（Council）掌握，校董會副校監李國寶只是禮儀式人物，校委會主席梁智鴻先至真係話得事。港大於2003年正式改組後，其他院校紛紛跟隨精簡，只有中大校董會因有太多歷史遺留落嚟嘅問題（例如書院等）要逐一理順，搞掂後又接連受學生會就學生校董之選舉及委任問題提出反對意見，於是一路拖延至今尚未改組成功，維持番舊制有50幾位校董，政府委任嘅校董佔10%多啲。勢估唔到，今天有港大校友聲音，後悔改組也。
# z+ H/ U1 O$ D' m
左丁山公仔箱論壇+ E* ^4 C, y5 E n# j+ V$ b% u
電郵 :[email protected]

歡迎光臨公仔箱論壇 (http://www2.tvboxnow.com/)