公仔箱論壇 - Powered by Discuz! Board

標題: [時事討論] 陳也 - 以為幫國家做嘢！ [打印本頁]

作者: kidhitomi 時間: 2015-8-10 12:12 PM 標題: 陳也 - 以為幫國家做嘢！

以為幫國家做嘢！

tvb now,tvbnow,bttvb4 }" M K. g8 F3 ]
本報報道一樁詐騙案，當看到大標題寫住被告「以為幫國家做嘢！」我嘴裏的咖啡差點噴出，難道自稱右腎被打、右膝被踢、老婆大人被指罵而發癲的三人組騙徒，已經落網，招認時振振有辭狡辯：以為幫國家做緊嘢？
報效祖國，詐騙黨是應該歸類為最愛國、最顧全大局的人。騙走市民的血汗錢，是給他們預打防疫針，免得日後被更大的騙棍蒙蔽。本地高等學府的騙案，性質類近，都是把歪理編成極歪理，呃晒老人院裏被民×聯順手牽羊登記做晒殭屍選民的長者。用高八度聲氣唱戲般唱衰唯一的副校長候選人，編造一派胡言、謊話連篇、匪夷所思的等埋程序，繪影繪聲指控九唔搭八的烈士罪名，痛擊不同意見的學生、學者、校友。凡此舉措，有辱院校名聲，高尚的校委，竟然爆出口吻跟騙徒無異的醫生，自以為幫國家做嘢，亢奮地左報上身，點名責難反對者。另一位則熱衷扮內地公安，恐嚇學生：收監一日！罰做一百小時社會服務令！報章指出抱膝插地那位，極大機會做校長！以為幫國家做嘢，做乜嘢？做香港世界！情節似星爺電影交叉順豐速遞，但你唔係姓李那條友，笑唔出！

陳也www2.tvboxnow.com* T( `' C/ @9 `% \
電郵 :[email protected]

歡迎光臨公仔箱論壇 (http://www2.tvboxnow.com/)