公仔箱論壇 - Powered by Discuz! Board

標題: 八戰五冠兩亞！馬主：我隻馬身價好平咋 [打印本頁]

作者: nt1972 時間: 2015-10-10 04:27 AM 標題: 八戰五冠兩亞！馬主：我隻馬身價好平咋

星期六（ 1 0 日）沙田馬場將有一場激戰，就是第八場二班 1 4 0 0 米賽事，八戰攞到五冠兩亞嘅「包裝奔馳」，出咗名後勁強橫，經常幾步之間就將對手彈甩，今次佢將首次遇上另一匹後勁王「華恩庭」，後駒上次贏馬姿態亦好驚人。

有趣嘅係，「包裝奔馳」同「華恩庭」都係雷神莫雷拉嘅慣性座騎，結果雷神今次揀咗「華恩庭」，「包裝奔馳」嘅馬主理文造紙老闆李文斌，有冇嬲咗雷神呢？他說：「咁我覺得冇問題吖，我哋依家都有潘頓騎，大家有各自嘅選擇係好正常嘅！」

講就咁講啫，「華恩庭」比較年輕力壯，家陣「包裝奔馳」仲要冇埋雷神，李文斌驚唔驚呢？

「『包裝奔馳』今年更加放鬆，更加識留力，隻馬有進步嘅！面對『華恩庭』甚至乎將來更強對手，冇得驚嘅，一定撞嘅，希望可以跑贏啦，自己隻馬狀態都好好，都會跑出好成績！」

姑勿論今場誰勝誰負，李文斌能購入「包裝奔馳」其實已經贏咗，隻馬暫時已攞到 4 6 5 萬港元獎金，而且遲啲可能會有另一筆額外獎金。

李文斌說：「我記得『包裝奔馳』應該只係以十零萬紐元喺拍賣會購入，希望佢贏埋一班賽事，淨係嗰 1 0 0 萬港幣特別獎金，已經夠 cover 個馬價。」

歡迎光臨公仔箱論壇 (http://www2.tvboxnow.com/)