公仔箱論壇 - Powered by Discuz! Board

標題: 唞夠復出做一哥 [打印本頁]

作者: nt1972 時間: 2015-10-18 04:33 AM 標題: 唞夠復出做一哥

眨眨眼，今次已是第 1 3 期賽事，個人感覺，沙田草地甚至泥地，遠比谷草易玩，固然與馬有關，沙田跑的一批馬，能力遠比谷草強，再加上跑道偏差，沒那麼嚴重，買都買得安樂些！

第四場五班草地 1 8 0 0 米：會再追上次已鍾意的「神朗」，一再強調，上季未熟兼非短途馬，卻能在四班 1 2 0 0 米跑第四，其後不進反退，完全是健康轉差所影響；今季重拾升軌，跑兩場仗比仗好，葉楚航部署亦夠正路，這次再上跑 1 8 0 0 米，覺得只會更好。

第九場三班泥地 1 2 0 0 米：以「一哥」為重心，前季一出即勝，以及上季轉馬房，休戰兩個月復出即贏同程，擺明係休後復出特佳的馬，自己由八月尾已開始跟進，看着蘇保羅的操練編排，早在十月已覺越操越靚，查賽程，更認定應會以這場泥地 1 2 0 0 米為目標。估中會跑這場，無獎！想有獎，當然希望會跑得好好睇睇，結合對手，排二檔，信心幾強。

[/url]

搵腳先揀初跑泥地的「笑眼光」，上次谷草人馬都跑到亂晒龍，今次轉場有變數，睇過牠試過五次泥閘，覺得次次都試得好。

再揀是有根據，操足而來的「海紅寶」，賽前要做的全做齊，雖排九檔，但內側快馬唔算多，埋到欄放機會唔弱。「麟轉乾坤」有的是速度及出色泥地性能，仍會加入。

「飛躍之駒」新勝同程，換蔣嘉琦減十磅也着數，但排一檔怕唔夠快。「爆炸糖」狀態仍好弗，只不明點解唔用黃皓楠（今場無座騎），兼改跑泥地。「心花怒放」與「歡樂小子」外檔蝕唔起，除非好利追，若然唔係，買Ｑ唔會預此兩駒。「老友記」初出未夠，潘頓操開放手。「齊歡笑」大幅縮程。「永高」跑姿唔靚。「津津樂道」轉跑泥地似想求落班。

策略： 2 博Ｗ兼做Ｑ膽，拖 3 ， 6 ， 8 。

第十場二班草地 1 8 0 0 米：範圍較闊，不過都想博一博。「安荃」季內初出未夠弗，跑 1 6 0 0 米排外檔，遇偏慢步速都追到第四，比預期中跑得更好，熱身開過氣，今場加程跑 1 8 0 0 米，續配羅理雅，一來唔會好熱，二來總覺得羅理雅朝早經常傍實蔡約翰，踩單車到看台睇馬，後者無理由會無馬益佢！「勁趣」上次同樣有驚喜，縱使出賽前試 1 0 0 0 米閘見好，也不信 1 2 0 0 米都得，跑第四已是遠超預期，由此推斷今季應會更強。

「期惑」初出入Ｑ，上仗名次倒退，應非能力不夠二班，而是 1 6 0 0 米根本不太合適，上季同程拍住「詠彩繽紛」與「好靚仔」跑第三，今場會預番一注。

「文藝復興」上次已指狀態一般，今次稍好過上回，可作保險腳。「人強馬勁」重口馬排外檔不易跑。「格哥兒」賽前兩試大閘狀態不差，但路程嫌短。「威風猛將」 1 0 月 9 日試閘後無再跳。

「星爾頓」實力不夠。「超有利」仍未算弗。「牛精仔」跑二班田草，應是開路角色。「凱明神駒」未得。「小龍兒」跑二班弗都無用。「幸運勝利」未及水準。

策略：Ｑ 1 ， 2 ， 5 ， qs 互串。

歡迎光臨公仔箱論壇 (http://www2.tvboxnow.com/)