公仔箱論壇 - Powered by Discuz! Board

標題: 11 月 11 日快活谷九場草地夜馬賽後評 [打印本頁]

作者: nt1972 時間: 2015-11-12 04:31 AM 標題: 11 月 11 日快活谷九場草地夜馬賽後評

第一場：「野外桃源」原來短好過長，失準馬下場忌熱追。「有料小子」跟前冇後，材料有限？「賞面」追得好，三場內可交代。「好運有利」匆出進步亦大，四歲馬五班留唔耐。「齊齊歡欣」一招了，正宗五班料。

第二場：「及時取勝」轉倉即勝，睇走勢加分後仍有機會贏。「紅衣前進」易位難贏，熱Ｗ可慳番。「驍武」一場好後立即散，弱馬不值熱捧。「至尊飛星」輸檔失 P ，反之「智勝明駒」檔好才有個第三。「勝利仔」開咗氣，周六匆出要睇。

第三場：「南華勇將」再贏，多得評磅員只加四分。「上浦勇將」得一段力，短或長都易位難贏。「火龍寶」再次證明田草先得。「帝國之星」唔應咁水，回戰沙田仍要捧。「得意財星」腳搞番好，呢個分求一 W 絕不難。「首領」要再增程。

第四場：「皇龍大師」補出贏在柏寶醒目肯走，反之「凱倫之寶」輸在直路塞一塞，莫雷拉已跑盡，再捧時要睇配搭。「魅力好漢」進步咗，但冇乜本錢贏。「金叻星」黎海榮騎捧到 4 7 蚊熱過籠，捧此駒一定要冷敲熱避。

第五場：「光芒再現」一千開氣試準增程即贏，四歲未見底馬，四班留唔住。「世界都市」轉場地謀冷不遂，下次熱門小心。「大天龍」亦是質新進步馬，馬房會專攻此程。「帶寶來」全程外叠輸形勢。「伽楠」入直路受阻，敗勿作準。

第六場：「有智者」五升四班捧到 1 6 蚊 W ，對手唔同晒輸亦合理。「金領宙」千辛萬苦才出頭，再加分後咪填氹。「喜多屋」冇乜運，熱 W 制唔過。「加州卓越」一哩好啲。「勝利威」牌仔發揮唔到。「永常勝」等落五班先見真章。

第七場：「鄉村輝煌」谷草試準即用莫雷拉贏，分盡要睇配搭同路程先好捧。「滿貫豐采」二班遇強手都仲可以前快後快，真係估佢唔到。「御綵」操就靚跑落冇晒，藉口只能話未熱身。「卡加動力」千二先啱放。

第八場：「神舟小子」繼續以晨操姿態贏馬，升上二班一樣贏得。「越感」雖受惠快步速，但本身有一定質素，三班必有馬贏。「醉中意」落飛但初升三班完全無招架力。「滿堂紅」初現走勢，蔡廐馬可望越跑越好。

第九場：「競駿高飛」輸一場忽然又有番，解釋只可以話加咗個眼罩。「盈豐駿駒」增程後上入 Q 難度好高，好快贏得。「威利飛越」放頭唔輸先怪。「大威力」一如「正是你」，東廐馬冇三舖。「行政指令」柏寶跑得一啲都唔肉緊。

歡迎光臨公仔箱論壇 (http://www2.tvboxnow.com/)