公仔箱論壇 - Powered by Discuz! Board

標題: 賽後評：沙田十場泥草日馬 [打印本頁]

作者: nt1972 時間: 2015-12-20 04:10 AM 標題: 賽後評：沙田十場泥草日馬

第一場：「四小福」明顯進步，返四班輕磅仲有偷襲條件。「野外桃源」本身亦拋甩其他馬，五班幾時都要拖埋。「金瀛」換個硬淨騎師可補中。「齊飛」唔放根本冇機！「通勝」一直等機會爆番場。

第二場：「心思熟慮」志在熱身，巫斯義騎番會交代。「迫擊炮」楊明綸全程唔知想點，換人騎保証唔一樣！「大將風馳」贏在三落四班賺級數。「和平開心」如非一檔已落飛得手。「衝鋒友」大摩唔放手一定有後着。「喜盈豐」追得唔錯，再出可以博泠。

第三場：「合作愉快」潘頓跑番草地又會唔同。「翡翠紅星」漸趨成熟距開齋不遠。「星夢」等草地 1 4 0 0 米至諗。「聖驛善」谷草 1 0 0 0 米較有把握。「相中有你」今場當佢試閘，呢個分最少仲有一 W ，但一定係冷門。「紅褲精神」演出飄忽純睇胡森胃口！

第四場：「團圓飛舞」雷神唔放手果然贏第六 W ，加分上三班應該冇運行。「運財之星」如肯換個十磅仔可補中。「非凡者」、「實在威」材料有限。「齊齊健康」一招了，馬房慣用手法！「勝算高」四班有級數返谷隨時補中。「天賦致寶」確認係失敗 PP 。

第五場：「揮闖」又多隻處女馬由雷神開齋，姿態一般升班唔睇好。「電子鳳凰」轉彎蝕太多有 P 已好彩！「變出美麗」面對前兩駒嚇到腳軟？「至叻熊」增程效果唔好。「金碧陽光」騎都放唔出反映近況仍沉。「踏雪無痕」輕磅捱入 Q 反映今場水準普通。

第六場：「閃耀鑽皇」姿態似險實易，升班如冷仍有得博。「再石磨藍」演出開始穩定，馬房會好快交代。「八心之煌」四班能力已見底。「勝在煌」增程效果唔理想。「精算追擊」質素睇嚟好有限。「雷神寶」跑落明顯無乜進步。「常妙星」仲未減夠分。

第七場：「心花怒放」贏條街，因同場實力馬跑得太差。「老友記」有欄唔搶全程走二叠，同上仗爆冷完全唔同；「龍華金馬」韋達大半程手忙腳亂， 1 3 屆冠軍今非昔比！「麟轉乾坤」評分已摸頂。

第八場：「勇駒」跑姿較以往有明顯改善，要調高評級。「東方快車」質素亦非等閒，純輸作戰經驗不及前駒。「勇士勁」、「總統至上」越跑越差，奇怪！「幸運歡笑」場場得個追字。

第九場：「高利多」慢步速拉士可爆甩對手，只要跑姿改善可繼續上。「歡樂一生」留住追明顯好過跟前。「非常堅」減夠分，加程會到位。「行善積福」馬性好開會打叠幾場好。

第十場：「縱橫大地」飛到馬到，全程外叠都贏，泥地實力肯定較草地強。「日威夜威」因雷神而熱得過分。「輕彈錢笑」落二班跑賺級數。「迎風飄揚」人馬已盡力，跑二班明顯力有不逮。

歡迎光臨公仔箱論壇 (http://www2.tvboxnow.com/)