公仔箱論壇 - Powered by Discuz! Board

標題: [心得分享] 香港釣魚全攻略 [打印本頁]

作者: nt1972 時間: 2016-1-17 12:32 PM 標題: 香港釣魚全攻略

本帖最後由 nt1972 於 2016-1-17 02:43 PM 編輯

釣點名稱 :
清水灣道大廟灣天后廟碼頭

釣點級別 : 級 (AAA+ 級)，適合兒童及老人家

釣點位置 :西貢清水灣道去到盡 (地圖1 及2 )，清水灣高爾夫　　"香穿佢落部" 對落，天空海闊之處，白雲天水之間．．．

釣點交通 :
最直接就係ｏ響新都城巴士總站，搭 16 號綠色小巴，直入布袋澳路口落車，車費 7 蚊雞，全程約 20 分鐘左右。30 分鐘一班車，逢嗒正嗒半開車，頭車新都城開 0630，尾車布袋澳開 1800。回程就ｏ係落車ｏ個度等。如果搭狗巴 91 到總站，轉打的唔會跳錶。自己?車就自己識?路，唔駛我教ｏ勒。

釣點 view :
ｏ響布袋澳路口落ｏ左車之後，向 "門口又高狗又大　　香穿佢落部" 行過去，右手邊停車位邊有個好很細　　ｏ既路牌點你落大廟ｏ架ｏ勒，兩條小徑都得，冇分別，不過千祈唔好上山，唔係你就死硬！！！向落行ｏ下行ｏ下，你就會見到個好靚好正ｏ既 view，你會覺得成個海成個天都係你ｏ既，佢就係大廟灣ｏ勒。

釣點概況 :
最正就係開大開細同ｏ羅淡水都好方便，因為 "一號" 好近便，就ｏ係間廟隔離 (地圖3 )，來回都唔駛兩分鐘。右手邊有個大碼頭，左手邊就有個細碼頭，前面有幾級梯級 (地圖3 )，最左及最右有礁石，全部都係好位。

ISO 就係磯位，O 就係投位，Y就係手竿位，其他好似手絲、筏仔就基本上成個碼頭都得，個個位都咁正。

大廟玩磯唔算好正，因為水流唔係大，而且係小內灣，但係屬於好安全ｏ個隻。

投釣方面，就成條碼頭都咁好，基本上係沙礫底，唔怕棘石，但係要小心有幾舊石頭同埋有兩堆海草 (見地圖3 )，但係話時話，我就比較鍾意投近海草堆，好多時都有唔錯ｏ既魚訊 (即係都幾密口啦，起唔起到就睇技術同運氣o勒)。如果吹大東風 (即係頂頭風) ｏ既話，出絲就會有少少困難，而且收獲會少DD。

手絲筏仔不能遠投，但因為碼頭係 "在水中央"，機會亦十分唔錯。手竿我就從來都未試過，唔敢評論，不過時常見到有幾個蛋家呀嬸用手竿，起到唔少沙鑽仔同 "魚立" 仔。

細碼頭方面我未去過，真係冇乜意見。

魚獲參考 :乜 "魚立" 物 "魚立" 同連米係最基本ｏ既收獲，不論日水定夜水，差唔多次次都有，睇大定細ｏ即。沙鑽、牛揪同鼠銜亦係常客，沙鑽要熱少少，牛揪同鼠銜就不論情況都會同你玩ｏ下。火點、左口亦不時見到。天熱會有鮫魚拖，重係好多很多ｏ個隻，舊年水尾九月，我都重見到有人拖到三四條 (舊年我見人拖得好很過 "引"，但係硬係唔識去買塊鐵板仔，蠢！)。

雞泡亦係時時見，日日見，最大我起過十幾兩，亦見過一次有超過三斤ｏ既超大雞泡上水，日本仔見到都會大叫 "一番" (Ichiban)！

夜水方面，就有雞魚仔 (斤頭)、斑等等比較好玩ｏ既魚。日水我都試過上青斑仔，不過就係一指大，錢頭ｏ個隻。要玩中斑大斑，就要用生蝦，投向石邊，要小心棘石。夜水都係生蝦比較得食。

幽面我都見人起過，不過屬於可遇而不可求。

老泥唔多，而且唔大，都唔知點解，用籠ｏ黎裝都裝唔到。石狗亦係好細，林哥、梳欏，都係孫仔輩，釣到都冇用。

呢度又有好多蟹，差唔多次次我都有收穫，但係蟹多就好容易俾佢地偷哂 D 餌。

在此釣魚要小心，因為老虎仔同老坑係呢度陀地，成日上，不論大細，不論日夜，不論水流，小心小心！

肥熊我次次去都係ｏ響同一個位落竿，個位唔係特別正，但係可以自成一國，有條欄杆梆ｏ下生籠，又有個船纜蠆坐ｏ下，連凳仔都唔駛帶，個船纜蠆好少船會用，有船埋只要小心 D 唔好俾人掃竿就得 (地圖4 )。

地圖 :
1. 清水灣道泳灘至布袋澳

2. 清水灣道尾布袋澳路口及門口又高狗又大香穿佢落部停車位

3. 大廟灣釣點圖略

4. 大碼頭頂部示意

作者: middle-888 時間: 2016-1-17 01:39 PM

thank you very much.

作者: mbb667 時間: 2016-1-18 11:25 AM

the info is very detail and useful
thank you so much~~~

作者: nt1972 時間: 2016-1-18 12:50 PM

三家村釣點陀地篇

釣點資料補充
自從上次肥熊提供資料的三家村釣點介紹 (News Ref : 096) 出街之後，受到各位釣友的讚賞。日前我更收到一名三家村常客電郵給我的補充資料。

下面的兩幅圖片是由網友 Tigerman 提供，他對這個釣點非常熟悉而地圖內的介紹亦很詳細。我僅代表本網鳴謝 Tigerman 的資料提供。

鯉魚門詳細釣點 :

鯉魚門好點提供 :

作者: nt1972 時間: 2016-1-19 12:31 PM

釣點: 鯉魚門三家村尾

位置
三家村尾，真係入到尾，對到正杏花，遙望黑頭角同坑口，個景正到極，去到唔釣魚吹?海風都好正。

交通
觀塘協和街紅色小巴站有小巴直達，車費三皮半一位，可參考地圖1；或者在西灣河搭火船仔，船費唔知道，不過可以問De'edd哥！如果坐車入，要坐到總站先好落車(照片1)，請參考地圖2，海鮮街頭有魚餌店，不過貴好多(沙蟲要三十五皮一兩)，又冇青蟲賣！沿海鮮街行到尾，就見到個燈塔，向左轉，之後見路就行，唔好轉彎，可參考地圖2及3。未到天后廟就會睇見第一斷橋(照片3)，已經可以在斷橋下竿，不過重未係最好，再向前行，條路係穿過天后廟，過o左天后廟，再向前行，過哂D屋，就會見到第二斷橋(照片4)，又可以落竿，不過又重未係最好，再向前行，見到個山仔，過埋個山仔，就係最好o既一點o勒(照片7)，認住o個碌生銹柱，好老o黎o架。

釣點情況
大石底，勁釣地球，記得帶多D鉛同鉤，實冇介紹錯，亦可以用不同釣組(請參考釣組圖1至4)，以避免鉤石。要用較長投竿，最好有4.5米以上，投20至30米遠，坐定定唔好郁竿，靜候魚訊。記得一起竿就要盡快捲返o黎，唔好停手，細?就直抽，有粗?就梗係要出八字神功啦！重有係記得一定要帶撈磯，重要係長火至得。你睇照片10就知o個度幾咁危險！

地圖
1. 官塘裕民坊
2. 海鮮街圖略
3. 天后廟至釣點圖略

照片
(左) 落車後向海鮮街望

(左) 第二斷橋 ; (右) 釣點石頭同碌生銹柱

(左) De'edd哥中三兩二錢八分三o既沙"魚孟" ; (右) De'edd哥，鵪鶉哥同鵪鶉嫂收拾行裝，左邊係o個pair男女，右邊就係其中一個靚仔

釣組圖
1. 基本沉底仕掛 ; 2. 基本棄鉛式沉底仕掛

3.改良棄鉛式沉底仕掛 ; 4. 生鉛式棄鉛式沉底仕掛

釣獲報告
日期 : 26/03/2000 星期日

時間 : 09:00 ~ 15:00

釣點 : 鯉魚門

釣法 : 投釣

人物 : De' Edd　哥,　肥熊,　鵪鶉兄　&　鵪鶉嫂(非網友)

釣餌 : 沙虫
釣獲 : De' Edd　哥起手板沙"魚孟" 1 條, 鵪鶉嫂起雞泡 1 條, 4人共起石狗數條..... 蕉!!!!!!

作者: nt1972 時間: 2016-1-20 12:09 PM

坑口碼頭仔釣點點題編

釣點提供 - 坑口
釣點: 將軍澳坑口填海區

位置
坑口南豐廣場後面，尚德隔離，側邊係瑞安地盆。請參考地圖。厚德街市同南豐廣場都有釣餌 (青蟲，沙蟲，生沙蝦，生蝦仔，圍蝦同南極蝦) 賣，釣友唔駛週圍撲。

交通
將軍澳而家交通好方便，唔駛多講，狗巴91M，95M，98D，297，298，906 等等差唔多有個9字頭巴士都停咁滯，都南豐廣場或者東港城有站落車，真係好方便。總之落車後要搵到南豐廣場，側邊間小學隔離有條巷仔，由巷仔直行，就會見到個迴旋處，稔辦法過馬路(好似有條隧道)。過o左馬路就搵條最最污糟路口，慢慢咁行入去，要小心有好多泥頭車出出入入。跟住條路行到尾，就會見到個碼頭仔。

釣點情況
個碼頭仔好細，最多企三條友仔，而且又會有人用碼頭上落，又有人度玩遙控快艇，總之唔係好老o黎啦。但係呢度向出行，基本上成條石堤都可以落竿，但以我經驗，就係越出越好，最少要出到開闊D位，即係去到你就明咁解。又可以租艇仔釣，兩匹雞180蚊1日，星期六日就220蚊1日，一匹人力好似120蚊左右，一般般啦，D價錢！石堤可打沉底或可用手竿釣浮漂(針仔)，手絲及筏仔應該唔得，搞磯就更加冇行(除非出到近鯉魚門o個邊)，因為係內灣，基本上冇流。如果打沉底就考你技術o勒，水就好深，但離岸20呎左右就係大石頭，有技術就釣魚，冇技術就釣地球，大家都要好自為之。魚種講出o黎都冇人信，計有黃腳、斑、老泥、火點、油"魚追"、骨鱔、鱸、老烏、連米、、八抓魚、老坑、石狗、林哥、哨牙妹等等，沙底、石底、泥底、半水、水面一應俱全，我都唔知點解。不過除o左斑、油"魚追"、鱸同老烏外，其他都唔算大?。

地圖坑口碼頭仔附近位置示意圖

歡迎光臨公仔箱論壇 (http://www2.tvboxnow.com/)