公仔箱論壇 - Powered by Discuz! Board

標題: [資訊] 手波車更保值？ [打印本頁]

作者: nt1972 時間: 2016-1-26 06:14 AM 標題: 手波車更保值？

最近本地跑車迷的2016年頭號獵物，離不開寶馬M2、傳聞中的保時捷991R，以及福特Focus RS等，無獨有偶三款都是手波款式。部分「玩家」深信，手波跑車的長遠保值力更勝自動波版本，原因是本地99%以上新車買家都會選擇自動波款式，形成手波跑車流通量少，所謂物以罕為貴，二手叫價自然較高。

以保時捷911為例，上世紀八、九十年代964或993手波版，市值可比自動波貴達十萬元或以上，至於996或997款式也以手波版有更高的二手叫價，而且比自動波更易「甩手」。寶馬M3 E36、E46或E92型也有相似情況，手波賣價最少貴五至八萬元。

許多人覺得買手波二手車危機較大，上手車主可能是劈車族，又或曾經落場鬥Track Day，零件損耗或會較大，即使車身靚，也要慎防機器、波箱、極力子等是否已五勞七傷，睇車時要十分小心，最好找有經驗師傅查看，否則貴價買了質素低的車，十分掃興。

歡迎光臨公仔箱論壇 (http://www2.tvboxnow.com/)