公仔箱論壇 - Powered by Discuz! Board

標題: 【麥格夫隨筆】全日呢粒星最值博 [打印本頁]

作者: 02754566 時間: 2016-2-19 08:24 PM 標題: 【麥格夫隨筆】全日呢粒星最值博

蘇兆輝告別，潘頓復出，係今次賽事焦點，翻查紀錄，潘頓近兩季七次停賽復出都起孖，明午潘頓連場惡馬在手，有馬贏係意料中事，但問題係點去取捨？事實上今季潘頓熱門死火率驚人，47次成為大熱，只贏得11Win，勝出率23%，比起13屆冠軍韋達27%仲要低！
預期潘頓必熱座騎係「好人好事」、「活力小駒」同「錶之勝」，全部來自蘇保羅，而全日潘頓還有匹「星之勇士」係蘇廐馬，今季潘蘇配合作32次贏十Win，但問題係此十W中只有兩Win以大熱身分贏馬！
「活力小駒」、「錶之勝」剛仗都贏馬，寶尾無謂追，「好人好事」剛初出入Q未贏，拼後潘頓親試閘再跑，應會有戰意；而「星之勇士」應係最值博的一駒，事關前仗潘頓初騎途中被踢傷輸近；反映質素不弱，受傷後休息兩個月復出由羅理雅做替工，大半程走外叠下輸近，進一步反映四班能力，試準後潘頓取回策騎權，應該到位。

歡迎光臨公仔箱論壇 (http://www2.tvboxnow.com/)