搏 殺 手 法 ： 葉 楚 航 自 從 1 2 至 1 3 馬 季 贏 6 9 W 封 王 之 後 ， 接 着 三 季 頭 馬 均 維 持 在 3 字 頭 ， 上 季 贏 3 8 W 尚 算 及 格 。 葉 廐 搏 馬 最 大 特 色 係 專 攻 一 哩 ， 上 季 在 1 6 0 0 及 1 6 5 0 米 合 共 取 得 1 6 W ， 佔 馬 房 總 頭 馬 逾 四 成 ， 當 中 尤 以 田 草 1 6 0 0 米 表 現 最 標 青 ， 總 共 交 出 十 W ， 成 績 冠 絕 同 儕 ， 相 信 新 季 仍 會 集 中 在 此 程 出 擊 。
要 數 新 季 在 千 六 最 值 得 捧 場 之 葉 廐 馬 ， 首 推 「 神 電 金 剛 」 ， 此 駒 上 季 由 五 班 成 功 反 彈 ， 全 季 累 積 三 W 全 贏 1 6 0 0 米 ， 目 前 都 只 係 5 2 分 ， 相 比 插 班 時 仲 要 低 五 分 。 六 歲 英 國 馬 現 時 才 大 熟 大 勇 ， 既 然 最 後 一 勝 能 壓 倒 現 評 7 8 分 之 「 索 咖 啡 」 ， 保 守 估 計 「 神 電 金 剛 」 仍 有 至 少 兩 場 頭 馬 在 手 。 至 於 「 天 才 」 歷 來 五 捷 ， 四 次 在 1 6 0 0 米 勝 出 ， 而 且 每 次 贏 來 均 大 把 在 手 ， 上 季 二 月 贏 完 百 年 紀 念 瓶 後 雖 然 未 能 建 功 ， 唔 排 除 係 幕 後 唔 想 用 盡 一 時 ， 留 力 讓 這 匹 英 國 馬 在 新 季 再 用 ， 季 初 幾 項 1 6 0 0 米 分 級 賽 ， 包 括 沙 田 錦 標 及 馬 會 一 哩 錦 標 ， 應 是 此 駒 主 要 目 標 。
|
