今年的汽車市場爭奪戰，由以往跑車轉移至房車市場，車廠陸續推出超級房跑之餘，又大玩長陣房車，鬥豪鬥長又鬥快；不過講到鬥，戰幔並非今時今日才展開，這架九十年代生產的平治超長陣版 250D，擁有 6門 8座，絕對夠氣勢夠架勢，雖然車齡唔細，不過行出街，隨時受歡迎過好多 Supercar。
6門 8座人人可伸腳
■車主將原裝的頭燈換掉，令車頭更有現代感。
眼前這款 1991年製造的 E系 250D柴油長陣版，當年新車價過百萬元，全車給人柔中見剛的感覺，整個車系還有房車、旅行車及開篷車，投產期由 1984至 1996年，高於平治一般 8年投產期，可見極受歡迎。這輛車與我們現時所見的八人車大有區別，擁有房車外形，內裏卻是八人車格局，擁有 6門 8座位，不要以為三排座椅只是得個樣，打正平治招牌，又點會委屈乘客，在 6門的幫助下，每排座椅的乘客都有足夠空間伸腳，還有獨立車門上落，不用打擾前排乘客。
光面真皮座舊味十足
車主都經過一番心機改裝內櫳，原本座椅已很殘舊，車主於是從另一輛舊平治中「移植」過來，座椅保持懷舊的光面真皮，加上條紋車線，滿足懷舊味道。車廂內的紅木紋配飾及軚環，與這輛懷舊味十足的平治十分相襯。
■尾擾流器加天線，成架車當堂年輕了不少。
■ 6門設計，行出街簡直氣勢如虹。
裙腳定風翼返老還童
■門邊加上 AMG包圍，不過暫時只屬鴛鴦腳。
為保持這位老人家的靚樣，車主落咗不少心機，定期換油保養自然少不免，還為車身加料，例如 AMG原廠裙腳就是最近才加上去的，不過由於時間關係，暫時只裝上一邊。
坐足八人夠氣又夠力
擁有 2.5偈直五柴油引擎的 250D，起動時確實傳出不少雜聲，且馬力只有 90匹，坐足八人上山下海無疑是有點難度，但一般遊車河絕對綽綽有餘，「老而彌堅」這四個字也絕對受得起。
1.直五柴油引擎，只能輸出 90匹馬力，當然唔可與新一代平治相比。
2.三環式錶板設計不是重點，最重要是行車里數接近 26萬，至今仍有心有力先至最厲害。
3.中控台簡單就手，是平治九十年代的典型設計，襯上大量紅木裝飾，懷舊味十足。
4.第二排雖然只可 45度摺曲，但騰出空間後，第三排擺放雜物一樣無難度。
平治 250D規格（ 1991年出產）
引擎： 2,497cc直五柴油
馬力： 90ps
扭力： 15.7kg-m
傳動： 4速自動波後驅
 |
發表於 2010-7-24 06:38 AM
| 