新界有一條村，祠堂要重修，村中子弟籌集款項，準備大興土木。重修祠堂可大可小，裏面有諸位太公靈位，要找個堪輿大師，先看風水。 大師：「要重置一個入門橫樑，因為上面太殘舊，好容易掉下來。」村長：「我找裝修來搞吧！」
大師：「裝修佬不懂玄學，胡亂動橫樑，令到太公住得不舒服，影響風水。」並言之鑿鑿咁話，重修橫樑一定要由他擇日施法，否則，唔移好過移。村長心想也是道理，便請大師幫忙。大師即說：「一口價，包拜神祈福、唸符施咒 …… 大約十萬大元。」
村民一聽，覺得實在太貴，維修全個祠堂不過二、三十萬元，無理由花十萬元作法移橫樑，惟有打退堂鼓。可是，大師力陳利害，反正都是裝修，一次過搞好，太公安樂，子孫得福蔭。但村長堅決推卻，因價錢太高，無法支付。
不久，大師來電說：「閣下的太公報夢給我，好想修整祠堂橫樑，知道子孫財力不足，於是，太公報夢跟我講價。」大師開了一個相宜價，三萬元幫太公完成心願。村民一聽，價錢不算貴，決定做好它。
此事千真萬確，藉太公報夢而造成生意，真係好蹺。不過，亦有不少村民質疑報夢一事，究竟大師之言是真是假？但村中長輩深信不疑，太公報夢講到出口，也不願違逆太公心願，那末他們就成為不肖子孫。
大師話：「太公幫你們講價，我才俾臉低價去做呀！」村長也看不過眼，反說：「下次你見到太公，叫佢以後報夢，不要報給外人，報夢給我就好啦！」
 回貼是支持 |
發表於 2014-11-5 01:24 PM
| 
