37歲嘅拜恩（Kobe Bryant）宣佈季尾退役後，佢每次作客東岸都係一次告別之旅。不過，拜恩喺周日作客活塞輸91:111嘅常規賽，似乎就唔可以留低美好回憶喇；佢呢場正選上陣25分鐘，15次起手入得兩球，全場只係拎到五分，表現有啲慘不忍睹。拜恩賽後就解釋話自己肚痛，如果今季唔係職業生涯最後一季，佢都唔會死撐落場比賽喎。
咁又係嘅，唔少入場球迷都係為咗睇呢位球星打波，即使拜恩表現得唔好，班球迷都狂嗌「高比」幫佢打氣，佢又點忍心令支持者失望呢？拜恩最後都忍唔住多謝班球迷：「宣佈退役後，每次打常規賽都令我變得更成熟。班球迷咁支持我，畀我感到打籃球令自己變得有幾幸福。」
|
發表於 2015-12-8 06:21 AM
| 