[時事討論] 有地偏要喊無地填海阻力梗係大

特衰政府拓土建屋無能，只識將「地從何來」掛喺嘴邊，仲要一味靠嚇，講到唔填海就世界末日咁款，點知轉個頭就畀申訴專員公署摑咗一巴，踢爆當局一直浪費土地資源。呢個政府有地唔用，偏要氹市民撐填海，你話有乜居心吖。

7 {* g8 K, _$ Y. X0 m嗱，民意調查顯示，大部分受訪者狠批政府失職，未能地盡其用。好似房署丟空近千個合共約十一萬平方呎嘅儲物室，情願養蚊養老鼠，都唔改建做過渡性房屋住人，擺明係漠視基層住屋需求，有乜辦法唔被市民狂炳？仲有呀，港府喺土瓜灣、深水埗等舊區嘅重建步伐慢過蟻躝，土地得唔到善用，梗係覓地起屋難啦。港府做土地大嘥鬼做得咁爽，仲想搞填海造島喎，本末倒置、捨近求遠，難怪激嬲過萬市民上街反對填海咯。www2.tvboxnow.com+ k. d: p$ f8 \; z
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。- b# Y/ W7 U! t$ l' J
講真，香港房屋問題愈演愈烈，唔少基層被迫住劏房，甚至瞓豬欄、雞棚，都係怪無能港府有地唔用所致啫。就講大埔工業邨毗鄰一塊大約六公頃嘅靚地吖，隔條馬路就係富善邨，唔止交通方便，學校同社區設施一應俱全，唔使政府再規劃呢樣、建設嗰樣，點知官老爺都係唔願做，由得塊地荒廢廿幾年，偏要呻地從何來呻到樹葉落，想唔話呢個政府精神分裂都唔得喇。
www2.tvboxnow.com* d' t& s* W- V- m2 n
最令人火滾嘅係，呢類眼前有地唔去用嘅例子不勝枚舉，例如丟空嘅荒廢校舍、閒置嘅前政府宿舍、未經善用嘅官地棕地等等，山大斬埋有柴，點都唔會少過林鄭「明日大嶼」計劃嗰一千七百公頃土地，只要善加利用，已經解決唔少人嘅住屋需要。尤其重要嘅係，咁做起碼唔使豪燒財政儲備兼夾等十幾廿年咁費時失事吖，如果港府真係有為政府，係咪好應該做得幾多得幾多，解決燃眉之急，而唔係暴殄天物，畫餅充飢吖？
8 ^7 ?% F7 |; c5 Vtvb now,tvbnow,bttvbwww2.tvboxnow.com; A- w; u9 b" C
冇計喇，林鄭話就話房屋問題係施政重中之重，其實又係得個噏字，倒不如話「地從何來」呢個偽命題係為填海計劃服務就差唔多。事關香港家陣已發展土地只係佔總面積嘅四分之一，同新加坡、深圳、上海等城市發展面積高達四成以上相比，香港仲有大把土地可以發掘，係咪非填海不可，大家心照喇。

講到尾，香港唔係冇地可用，而係港官冇心冇肺冇承擔。又難怪嘅，港產官僚唔係家住幾萬呎嘅禮賓府，就係腰纏萬貫嘅「樓王」、「大地主」，住屋問題對佢哋嚟講就好似外太空咁遙遠，班官都唔係急市民所急，制訂房策又點會實事求是吖。所以話，公屋輪候時間屢創新高，港人愈住愈細，愈住愈貴，家陣知點解喇。