喺香港買新車，閒閒哋要十二、三萬，預算唔多嘅用家惟有向二手車埋手。最近，鈴木（Suzuki）推出了一款環保小車Alto，除咗造型充滿年輕氣息，而且油耗及排放俱低外，最重要係車價唔使$10萬，要做新車車主一啲唔難！
升呢更慳油於1979年問世的Alto，在歷史上是一部K-Car，但隨着車身體積的增長及引擎排氣量提升至1.0公升，全新的第七代車型已不符合日本K-Car的規範。當然，若純粹為保留「K-Car」之名而停滯不前，反而不切實際，廠方指出，新車所用的全新開發K10B引擎，已符合了歐盟五期排放標準，平均油耗低至16.7km/L，環保之餘又可為荷包着想。與此同時，升Grade後的Alto定位依然沒變，價廉、低油耗以至繽紛的車身色彩，明顯是針對年輕用家。
兼顧安全性始終Alto是一款講求經濟的入門小車，對車廂設備不要有過高的期望，音響、冷氣當然唔會少，但要注意的是後窗以「雞翼式」設計，只可有限度向外打開。不過，前後排卻有不錯的乘坐空間，雖不至於可作大幅度伸展，最起碼不會頂頭、頂腳。另一方面，以全方位操控技術系統（TECT）設計的車身，更可利用可潰縮車體來吸收撞擊力，以減低乘客受重創的機會，誰說小車一定不安全？
試車後話：代步一流一部只有67匹的小車，足夠日常使用嗎？筆者可告訴你，在城市內行車絕冇問題，但不要期望有澎湃的加速力。由於Alto的最大扭力只有9.2kgm，而且要到4,800rpm才可完全釋出，上大斜路都係退回中、慢線為妙。不過，底盤卻給予駕駛者豐富的路面感，經過細微的坑洞也有明顯的回饋，而且車身跳動不嚴重，加快速度入彎仍相當穩陣。
規格表
車型：五門四座位揭背車
引擎：3汽缸DOHC
容積：996c.c.
最大馬力：67ps/6,000rpm
最大扭力：9.2kgm/4,800rpm
傳動：四前速自動波
驅動：前置引擎、前輪驅動
制動：（前）通風碟式、（後）鼓式
懸掛：（前）麥花臣支柱、（後）三連堅固軸
售價：$99,900
車身有9種顏色選擇，包括紅、藍、綠等。
座椅以絲絨物料包裹，乘坐感不俗。
基本設備一應俱全，前排還設有電窗。
座椅承托力充足，但沒有電動調校。
|
發表於 2010-1-30 01:52 PM
| 