[有冇搞錯] 茶餐廳座位有限 禁食客打機睇片

hajid77

「低頭族」經常機不離手，但茶餐廳座位有限，遇著食客「磨爛席」用手機或平板電腦打機或睇片，便被長期霸佔座位而生意難做。有網民便在一個網上討論區上載一張一間茶餐廳張貼出來的告示，列明因座位有限，舖租高企，呼籲食客勿在店內觀看電影或短片，更禁在店內玩遊戲，引來網民熱議。

有網民指第一次見到這樣的「茶餐廳的規則」，有人則留言表示對該茶餐廳諒解，「玩機會唔專心食，時間係用多咗既，明白既。」亦有人指，舖租高企小巿民食飯時間要快，批評地產霸權。

相中可見該告示指出，店內座位有限和租金高企，着食客不要在店內觀看影片和玩遊戲。不過，告示未有列明若食客「違規」，會有甚麼處分。相片引發網民熱話，有人直言，「有好多人唔化架，係中環食lunch食完都死唔走，人哋真係靠個轉賺錢，要舒服咁hea足一個鐘，去啲高級餐廳啦！」但亦有人回應：「睇股票得唔得，我秒秒講緊幾百萬上落。」

相片亦引發網民有關「茶餐廳規則」的討論，有網民指，見過另一間旺角茶餐廳，「係放餐紙巾櫃前面寫住：自取餐紙巾一元一張」，另有一間旺角茶餐廳則在門口貼上：「不設問路」。