吸煙危害健康，而且近年來香港政府都把多個室內及公眾場所劃為禁煙區，而期望吸煙人數有所下趺，亦希望非吸煙人士能避免吸入「二手煙」。雖然，政府實施一系列的禁煙措施，但仍有不少人還是改不了這個壞習慣，在街上邊行邊吸，當口中噴出煙霧時，在其身後及附近的人，可說是大受影響。近日，有市民就在街上貼上一張招紙，向吸煙人士作出呼籲，該張招紙亦同時在網上瘋傳中。
從該張招紙可見，內文大意是希望吸煙人士在街上吞雲吐霧時，能「企定定」，不要邊行邊吸，因為在他們身後的人會吸入「二手煙」，無法躲避，對健康大受影響，尤其是嬰兒、小朋友、孕婦、老人家及有呼吸病的人士為甚。寫該張招紙的市民，亦希望香港人能夠互助互愛，呼籲大家能為下一代著想。
網民回應：
蘇基：都合理嘅，一般我個人喜歡同d三吾識七嘅人圍埋一齊打完邊炉先行。
Lam Lam Lok：最憎d人行天橋果陣食 得一條路 硬食2手煙
Young Wai Lam：有啲係企埋一邊，但係啲煙就吹過來
Shek May May：有人係前面食煙,對唔食煙嘅人黎講,等於有條死氣喉係你前面一樣。
Ka Shing Ma：煙民有食煙自由，響唔影響其他人嘅情況下，我話之你倒吊一次食廿枝，一路行一路食一路噴果啲我祝願你長命百歲，百病纏身
Kelvin Ho：作為一個煙民，我都認為最重要係唔好影響到其他人……行埋一邊食，其實都係嗰幾分鐘啫……何必令其他人討厭自己呢（不過一定有某啲煙民會唔認同我講法）
Lioncity Lo：唔知點解咁多煙民鍾意一路行一路吸煙，直覺吸煙係享受，應該搵個地方慢慢歎！十年前係東京街頭見到所有吸煙者都企定定，享受完先繼續上路，絕對不會影響到途人，日本人出名步伐快，但是都做得到，為何香港人會咁呢？
|
發表於 2015-12-24 04:00 AM
| 