大力拍毒奶短片叫媽媽不用擔心

近排「毒奶」搞到滿城風雨，導演李力持（大力）雖然無需要餵BB飲奶，但都關心香港一班師奶會畀三聚氰胺嚇壞，搵咗一班媽媽級女藝人包括曾華倩、車淑梅、謝雪心等等，拍咗十幾條短片放上YouTube，希望安撫一眾驚惶失措嘅媽媽。

大力噚日搞咗個首影禮，Emily都有去睇，發現套片都唔係一味搞爛gag，每段片嘅片尾，都請嚟兩個兒科醫生解畫，以專業角度釋除一眾媽咪師拉奶嘅疑慮，都幾有教育意味。

曾擔心拍完已過時- _) k, E* G2 U' E7 o) r
李力持話，一開始構思拍短片時都擔心拍完會「outdate」，點知「毒奶」事件愈搞愈大鑊，一直都未out，都唔知好彩定唔好彩。佢又話，依家潮流興喺網上睇短片，多數內容唔係搞爛gag就係關於嗌交，好似之前巴士阿叔都能夠一舉成名，真係好無聊；佢同Emily講，希望今次短片可以成為先例，鼓勵更多有益有意義嘅創作出現咁話。