[千奇百怪] 「先人口罩」紙紮舖賣10元 網民笑爆：死完再死 !

manyiu

2020年06月25日

連「先人」都要用口罩。



雖然本港口罩荒已舒緩，但四處撲口罩已成為港人日常。有網民就發現，有紙紮舖售賣「先人口罩」，連「先人」都要用口罩，笑爆一眾網民。



網民發帖指「請問死人要用咩Level？」並標簽「你唔好以為死咗就冇事」、「問你怕未」。只見相片中紙紮舖售賣的「先人口罩」款式多多，有素色款也有印花款，更每個獨立包裝。不過價錢就比普通「活人」的口罩更貴，售10元一個，一旁的紙包飲品也只售8元。


Tai Po 大埔 FB群組

相片笑爆一眾網民，紛紛留言抽水「死完再死」、「冇牌子冇證書，防唔到菌」、「燒個真的，快靚正」、「先人用嘅仲貴過我用緊嘅，下面通漲好勁」。