夢之隊莎莎閉門掃貨

國家跳水「夢之隊」訪港獻技，噚日離港前，不忘把握最後時間在香港呢個「購物天堂」shopping。化妝品店莎莎認真識做，為免星級運動員購物時被本地「粉絲」打擾，特別將舖頭關門1小時，等佢哋舒舒服服大買特買。' a3 M9 u9 X6 z" z' x

Emily 眼見跟隊shopping嘅人有吳敏霞、陳若琳、王鑫、林躍、胡佳同一眾花樣游泳隊成員，唯獨唔見「跳水皇后」郭晶晶。問一問隊友，佢哋話郭晶晶有自己嘢做，所以無跟大隊嚟尖沙嘴喎。見唔到郭晶晶，Emily點都有啲失望，但諗一諗都情有可原嘅，人哋男友霍公子係香港人，一場嚟到，點都要拍吓拖啩？Emily娛樂版嘅同事就報料，話晶晶晏晝4點幾獨自到咗機場入閘，隔咗一陣佢嘅隊友先陸續到達，一行人然後齊齊登機離港，結束今次訪港行。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。6 i. c. L1 E4 ~

廿四孝林躍買珠寶送女友
講返噚日嘅「購物團」，買得最起勁嘅，一定要數金牌小師妹王鑫。在跳水台背後，佢始終都同一個普通女孩無乜分別，對扮靚同化妝品梗係最留心啦，仲幾乎唔捨得走。跳水界靚仔林躍，就快手快腳喺莎莎一袋二袋行出嚟。Emily立即上去八吓佢去邊，原來林躍話對香港嘅珠寶有信心，打算去景福買啲首飾送畀女朋友喎。嘩，除咗跳水叻之外，原來仲係廿四孝男朋友，認真唔話得。