[千奇百怪] 環球趣聞｜疫後航空界勁缺人 英國機場竟出現「行李山」？

manyiu

2022年8月2日週二 下午7:00


6月中希斯路機場嘅行李運輸系統更出現故障，大批行李被遺留。

經歷兩年多疫情，全球旅遊幾乎停止，近大半年世界各地唔少國家及城市開始重新回復正常，隨著航班開始慢慢多，旅客亦愈來愈多。近日有媒體就報道，倫敦希斯路機場出現「行李山」，即大批行李堆積機場無人處理，而機場入面更處處都係人龍，全部都係排隊上機、落機、轉機人士


全球各大機場出現行李山及人龍原因係嚴重人手不足。

。原來呢個情況唔單單係此機場，而係全歐美都有類似情況，例如阿姆斯特丹、紐約、巴黎等。6月中希斯路機場嘅行李運輸系統更出現故障，大批行李被遺留，有好多已停放十多日，甚至出現異味。全球各大機場出現行李山及人龍原因係嚴重人手不足，因為兩年多嘅疫情令好多機場工作人員都已經轉工或者被炒，突如其來旅客「回歸」根本無法應付。


希斯路機場有700多位員工因為不滿減薪，揚言會於夏天進行大罷工。

因為工作量大增，希斯路機場目前有700多位員工因為不滿減薪，揚言會於夏天進行大罷工，一旦出現恐怕會癱瘓全歐洲航線，類似情況都出現於唔少機場。至於遊客，除咗要大排長龍之外，同時面對行李遺失、延誤等問題呢。

vancouver1

鬼佬最中意罷工！