公仔箱論壇 - Powered by Discuz! Board

標題: 龕場選址焗讓路區選 [打印本頁]

作者: aa00 時間: 2011-2-14 01:36 PM 標題: 龕場選址焗讓路區選

四年一度區議會選舉年底就會舉行，今次區議會選舉分外受人注目，當中好大部分係因為超級區議會議席呢個因素，由於事關重大，連一向獨斷獨行、漠視區議會意見嘅政府對今次選舉都異常重視，為咗唔好影響區議會選情，竟然連某啲政令都要行埋一邊。真唔真呀？; T3 c2 m8 a/ s8 j% B% U

珍珠都冇咁真呀，猶記得去年鬧得滿城風雨嘅公營骨灰龕選址風波，政府先後兩次合共推出十七個地點進行公眾諮詢，當時選址公布後，即時惹嚟受影響居民強烈反彈，即時示威遊行樣樣嚟。事隔半年，呢個燙手山芋已經慢慢冷卻落嚟，不過政府就遲遲唔肯公布諮詢結果。
有早排見過食物及衞生局副局長梁卓偉嘅地區人士話，諮詢完咗好幾個月，政府一直唔公布結果，除咗知道爭議好大之外，估計亦因為區議會選舉臨近，所有政黨亦肯定唔敢冒險支持骨灰龕選址，所以選址一事被迫擺埋一邊喎。
講到底，超級區議會議席呢樣嘢對所有人嚟講都係新事物，難怪所有人都唔敢行差踏錯啦。

歡迎光臨公仔箱論壇 (http://www2.tvboxnow.com/)