公仔箱論壇 - Powered by Discuz! Board

標題: 聞核色變邱騰華快閃 [打印本頁]

作者: aa00 時間: 2011-3-19 02:01 PM 標題: 聞核色變邱騰華快閃

日本九級大地震引發世紀核危機，港人除咗一度誤信流言瘋狂搶鹽搶米搶奶粉之外，亦對近在咫尺嘅大亞灣核電廠極度憂心，擔心一旦發生類似福島核電廠嘅事故，香港人唔知可以走去邊。環境局局長邱騰華前排仲提出建議，希望喺未來十年內將核能發電比例由現時嘅二成三增至五成，希望藉此減低溫室氣體排放，依家諗起真係好牙煙。尋日邱騰華出席一公開活動時，不但冇主動澄清有關政策釋除公眾疑慮，仲當晒班記者好似會發出核輻射咁，點嗌都唔肯行近，極度不負責任。

福島爆發核危機不久，中央政府已即時叫停內地種種核設施從長計議，但港府班高官就遲遲未有回應。邱騰華自危機爆發後尋日首次出席一項環保活動，傳媒梗係唔放過佢啦，晨咁早就到場等佢嚟，佢老哥偏偏玩遲到，足足遲成十分鐘先到場。佢嚟到見到咁多記者，立即心知不妙，然後藉詞猛話趕時間，有乜嘢活動後先講喎。" D9 u2 M9 o( ]/ w3 s+ D
學生「不要核電」既然局長咁講，大家咪乖乖喺度等囉。大會安排邱騰華喺布景板上簽名留念，細心一睇，原來之前已經有好多學生喺上面寫咗改善環境嘅心願，當中最搶眼嘅就係「不要核電」四隻字。局長一行埋塊板度，即刻好似中輻射咁彈到遠遠，閃閃縮縮行去另一邊簽名。雖然佢強作鎮定，但已經面如死灰、垂頭喪氣。
邱騰華逗留約廿分鐘後離開，呆等多時嘅記者立即一擁而上，點知局長竟然食言，唔單止乜都唔肯講，仲一個箭步、頭也不回咁上車走人。局長咁嘅反應，即時令在場人士竊竊私語，仲有聲音批評佢唔夠大將之風兼無禮貌添！政府一眾高官依家日日開記者會，同公眾交代核危機嘅事態發展同補鑊措施，相反游手好閒嘅邱騰華，居然避得就避，有官若此，黎民之禍也。+ K* P! ?# X7 p3 P% I$ W& s
不過咁，查實邱騰華咁樣反應都係意料中事，猶記得佢上任之後幾乎掂乜衰乜，呢次如果連減排計劃都衰埋，佢張成績表只會得番「一事無成」四個字。好似「停車熄匙」咁，如果唔係最後「斬頭切尾」大幅讓步，都唔使旨意過得到關。環境局一眾高薪公僕，推出政策前思慮不周，經過今次世紀核危機，增加核能供電比例單嘢估計都係凍過水。

作者: 4557 時間: 2011-3-20 12:11 AM

又系一條廢柴, 平時成日講點環保公仔箱論壇7 }* h. o# i, [9 E6 W! u; B" D
到d仲要時刻就變縮頭龜,
點枉佢老細當日重話精英領導班底

歡迎光臨公仔箱論壇 (http://www2.tvboxnow.com/)