公仔箱論壇 - Powered by Discuz! Board

標題: [港澳台] 趕客自斷米路港人唧都唔笑 [打印本頁]

作者: serrurier 時間: 2015-4-16 04:28 AM 標題: 趕客自斷米路港人唧都唔笑

本帖最後由 serrurier 於 2015-4-16 04:29 AM 編輯 tvb now,tvbnow,bttvb! s, _( j" E, _
7 |2 t1 S- { `; T3 a
趕客自斷米路港人唧都唔笑

「人人常歡笑，不要眼淚掉。」歌都有得唱喇，笑一笑，世界更美妙。可惜吖，今時今日香港七國咁亂，好多人愁眉苦臉，唧都唔笑，所謂嘅好客之都，早就變成趕客之都咯。

嗱，國際神秘顧客協會發表最新全球微笑報告，為四十多個國家及地區嘅零售服務業評分。結果不出所料，香港衰到貼地，喺「微笑」評分方面，僅得四十八分，比去年下跌十三分，排名全球倒數第三，創下近五年新低。莫講話無法同全球第一嘅愛爾蘭相提並論，連內地及澳門都好過香港，簡直羞家。咁仲唔止，喺「招呼語」方面，香港一樣叨陪末席，得五十八分咁大把，僅僅比澳門好少少咋。

香港自詡好客之都，可惜笑容欠奉，連講聲「歡迎光臨」、「你好嗎」呢啲基本待客禮儀都慳番，你話係咪醜怪吖。反觀成日被港人視為唔文明嘅內地，進步神速，笑容得分由兩年前嘅五十八分，大幅跳升至八十六分，遠遠拋離香港，問你服未。www2.tvboxnow.com& ~( |* i9 T, |/ o! e
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。/ M( p- o9 ]; {! j. C1 w8 l
講真，有頭髮冇人想做瘌痢，香港人唧都唔笑，唔係冇原因嘅。正如調查機構話齋，香港工時長、壓力大、投訴文化盛行，前線員工動輒得咎，想笑都幾難。咁又係呀，勞福局承認全港逾七成打工仔冇超時補假補薪，就知世界幾艱難喇。tvb now,tvbnow,bttvb9 g! ]+ b/ ^9 c' K! X# P
# A5 y5 {, [+ `- b- v
依家嘅問題係，你有壓力，我有壓力，全世界都有壓力，點解只有香港人唔識笑呢？其實，睇吓近年嘅政治環境、社會氣氛，大家就知道點解嘞。調查機構就講得啱嘞，香港成日有示威衝擊，導致店舖拉閘，連生意都做唔到，從業員仲點識笑喎。仲有呀，近期驅蝗、光復鬧劇不斷，政治爭拗多多，戾氣沖天，搞到訪港旅客人數暴跌，旅遊及零售業面對前所未有嘅寒冬，笑得出至奇吖。TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。7 O/ j: a- ?9 E* v2 H$ O% W3 p
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。! C1 A1 k& s( u9 C
即係咁，店員黑口黑面，顧客自然唔高興，大家累鬥累，根本係惡性循環。再咁落去，旅客對香港觀感轉差，一傳十、十傳百，遲早冇人上門都似。冇計嘞，近年香港唔知行乜嘢衰運，有人係都要搞搞震，自己倒自己米，加上「一簽多行」改為「一周一行」，旅遊之都怕且好快成為歷史咯。

話時話，家陣港股熱火朝天，睇落欣欣向榮，其實虛火嚟嘅咋。大家有眼見，打工仔人工升幅似有還無，樓價物價不斷飛升，貧富懸殊日益嚴重，如果連旅遊及零售呢兩大經濟支柱都斷埋，香港經濟無以為繼，到時更加笑唔出呀！

歡迎光臨公仔箱論壇 (http://www2.tvboxnow.com/)