公仔箱論壇 - Powered by Discuz! Board

標題: [千奇百怪] 極級老屎忽，Sales取消佣金 [打印本頁]

作者: nt1972 時間: 2015-12-19 03:57 AM 標題: 極級老屎忽，Sales取消佣金

相信今日整個HR界嘅熱話一定係某大型電器零售商老屎忽嘅新政策。話說今日競爭法正式實施，咁各大零售商都立即減價。作為Sales嘅心諗：「唔緊要，雖然價錢低左，但做多幾單生意，話唔定仲會做多啲佣呢。」

點知某牌子高層就認為，減價之後公司會賺少左錢，咁要維持返個上年個盈利，唯有就係員工度著手，叫伙記「同甘共苦」。

但底薪因為落晒合約白字黑字，基本上好難郁，老屎忽就諗係個佣度著手。唔係講緊Cut佣個%，而家取消成個佣制度。即係Sales賣1件都賣10件都係咁多人工。

成班Sales聽到呢度已經上晒火，原來公司份文件有第二版，第一版就係講取消佣金制度。唔知第二版係咩呢？

一睇第二版，嘩員工睇完即刻再標火！原來係新一個Sales Target，仲要高過以前個數。原來老屎忽驚無左佣金制度會令員工無晒動力做野，所以提高Target喎。

老屎忽一方面取消佣金制度，另一方面提高Sales Target，大公司老屎忽諗野係唔同啲。唔怪得2014年Top Sales都係員工Whatsapp Group 揚言要辭職。

歡迎光臨公仔箱論壇 (http://www2.tvboxnow.com/)