公仔箱論壇 - Powered by Discuz! Board

標題: [香港] 公廁臭名遠播改善不容再拖 [打印本頁]

作者: piu01 時間: 2019-2-23 07:34 AM 標題: 公廁臭名遠播改善不容再拖

有人話，公廁係一個城市嘅「名片」，照咁睇嚟，香港公廁出名藏污納垢，遊客未埋到去，已經攻鼻兼乸脷到要運路走，名副其實「臭名遠播」，堂堂國際大都會淪落至此，真係乜嘢架都丟清光！. C& Z' K# a; M; V1 M* i2 e) L3 k
新一份財政預算案嚟緊星期三出爐，據聞港府因應公廁衞生情況欠佳問題，將會泵水五億元，喺未來幾年翻新超過二百間公廁。查實市民如廁難並唔係今時今日嘅事，旅遊業界立法會議員舊年已經就公廁問題質詢當局，早排亦向財爺同埋食衞局反映。1 u1 Y0 B- B/ g" q& p7 n9 ?
咁到底香港地公廁有幾嚇人？之前有民間團體巡查全港廿八個公廁，發現大部分衞生問題多多，尿兜損壞、地板潮濕、污水長流……沒有最惡心，只有更惡心，深水埗等舊區公廁固然生人勿近，連金融中心嘅中西區以至旅遊景點林立嘅尖沙咀區，一樣咁令人眼冤，真係唔到你唔服。4 Q. Z. y0 Z. ^% h
立法會議員總結本港公廁三大弊病，即冇通風、去水差以及潔具邋遢，情況就如講波佬話一個球員最棹忌跑得慢、冇速度同唔夠快，來來去去都係講緊同一個問題，即係管理唔掂。講起上嚟都幾羞家，公廁問題咁多年來冇改善不特止，反而愈演愈烈，以致有人講笑咁講，如果有人發明搵公廁嘅手機App，一定失敗收場，事關公廁冤崩爛臭，未見其影先聞其味，「嗅覺導航」已經搞掂，仲使乜多此一舉吖！
; }% G1 {" a4 E j* H( [* G+ E唔怕唔識貨，最怕貨比貨。新加坡同日本等地公廁鳥語花香，窗明几淨唔在講，特別係日本，直頭貼心到一個程度，冬天時坐墊有保暖功能。即使係好多人睇唔起嘅強國，自從領導人近年三令五申「如廁無小事」，雷厲推行「廁所革命」之後，成效顯著，連微軟始創人蓋茨都豎起手指公讚好。
I* M. t, W7 h6 b5 y當局終於知衰，撥款翻新公廁，係就係慢咗幾拍，但總好過翹埋雙手乜都唔做。問題係特衰政府大事做唔到，小事做唔好，第樣唔使講，淨係講喺全港十八區增設無障礙通道設施，同公廁翻新一樣，都係屬於小型工程，點知七年過去，好多地區唔係爛尾就係乾脆唔見影，簡直吹脹。當然喇，硬件改善，仲要軟件配合先得，大家有眼見，部分市民公德心欠奉，小便浪射「唔中龍」有之，辦大事直接踎喺廁板上有之，事後唔沖廁不顧而去有之，就算公廁起到五星級酒店咁靚都係嘥氣。仲有就係公廁外判清潔工工作環境惡劣，近排網傳有工友要喺洗手盆上面開餐，簡直冇陰功，刻薄成咁，仲使旨意人哋賣力洗廁所？
7 B% v7 ~! Y. _- n* D% \3 L廣東俗語諷刺人揸住雞毛當令箭，往往會話「畀個廁所所長你做」，殊不知港產官僚連個公廁都管唔掂，試問香港點會有運行！

作者: piu01 時間: 2019-2-23 07:44 AM

港公廁人見人怕陳肇始終於臭醒 tvb now,tvbnow,bttvb8 C' V. f Y8 v, h: O' A0 w ~# r

[attach]4343972[/attach]
香港公廁衞生情況欠佳，真係「臭」名遠播，立法會旅遊界議員姚思榮早已批評公廁設施同衞生太差，影響遊客觀感，大力推動「公廁革命」，仲列咗張惡劣公廁名單，要求當局跟進，最後政府先決定率先翻新廿三個位於旅遊景點嘅公廁，真係踢一踢先郁一郁。有消息指，政府會喺新一份財政預算案預留五億元，翻新全港二百個公廁，忽然出手咁疏爽，唔通負責公廁問題嘅食物及衞生局局長陳肇始都被臭氣熏天嘅公廁嚇親，終於醒覺要做嘢？抑或係財政司司長陳茂波被公廁臭親呢？

作者: manyiu 時間: 2019-2-23 09:18 AM

香港ｄ公廁臭到飛起, 由其偏遠嗰ｄ公廁仲會臭死人...!

作者: itsctsu 時間: 2019-2-23 10:04 AM

香港ｄ公廁臭到飛起, 由其偏遠嗰ｄ公廁仲會臭死人...!tvb now,tvbnow,bttvb! g8 `* I& i! g( f$ e- S
manyiu 發表於 2019-2-23 09:18 AM

www2.tvboxnow.com; p+ `+ n, U- z9 { S
tvb now,tvbnow,bttvb- L* m5 n4 x7 }
晌公廁點火分分鐘爆炸...

作者: manyiu 時間: 2019-2-23 10:56 AM

) c& k8 ~6 h1 _+ k* ~4 _
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。2 h0 f: w6 e! n$ d7 }* p+ i$ l
晌公廁點火分分鐘爆炸...- F. y- ~1 T t1 J) _& t5 d8 f" y
itsctsu 發表於 2019-2-23 10:04 AM

8 I3 b( T3 {. R7 ?& m
唔爆炸死都臭死....

作者: CC517 時間: 2019-2-23 02:28 PM

無必要都唔好去

肥水不流別人田

作者: goldmonk 時間: 2019-2-23 05:52 PM

提示: 作者被禁止或刪除內容自動屏蔽

歡迎光臨公仔箱論壇 (http://www2.tvboxnow.com/)