標題:
[時事討論]
生活成本壓紐倫 呢個第一最難堪
[打印本頁]
作者:
piu01
時間:
2019-3-20 07:17 AM
標題:
生活成本壓紐倫 呢個第一最難堪
難得，難得，難得香港終於爭番個全球第一！事關以前香港自吹國際大都市，次次都要掹紐約倫敦車邊，「紐倫港」敬陪末座，今時唔同往日，香港大打爭氣波，跑贏紐約、倫敦九條街，同巴黎及新加坡並列，「紐倫港」翻身變「香巴新」，你話係咪威過威士忌吖。
0 ~" \+ G3 k8 U9 \! G公仔箱論壇
: ]% E( N* z% ~2 o+ h公仔箱論壇
唔係老作o架！英國經濟學人智庫尋日公布二○一九年全球生活成本調查報告，評估全球一百三十多個城市、超過四百項物品或服務嘅成本，涵蓋衣食住行、學校收費、聘請家傭以至消閒娛樂開支等，相當全面。調查結果顯示，香港連跳三位，首次位列全球榜首，至於紐約則排名第七，倫敦更加係十大不入。
$ N1 M9 F. `0 w6 \9 }
2 O/ V, e& |" Z) e2 d
大家有眼見，香港近年嚟瓣瓣唔掂，競爭力每況愈下，各項國際、國內排名跌跌不休，就咁啱之嘛，因管理不善而從全球最佳航空公司排名榜節節下跌、被稱為「因航」嘅國泰航空，繼續傳嚟壞消息，喺全球最清潔航空公司排行榜上，由上次嘅第一位一嘢跌到去第六位，曾幾何時係香港名片嘅航空公司搞到依家咁折墮，可以話係成個香港由盛轉衰嘅縮影。
公仔箱論壇3 v7 [1 J) _/ }. Y
5 q7 S5 K4 q% f5 Y* jwww2.tvboxnow.com
就喺呢個時候，香港榮膺全球生活成本最貴嘅城市，多少都有啲「沖喜」作用，更何況呢個「冧巴溫」絕對實至名歸，唔使講第樣，淨係國際大企業駐港員工都話頂唔順香港嘅超高生活開支，就知香港幾咁「居不易」，一般升斗小市民咯喎，日子自然更加難捱，「你怕我怕個個怕，煙加酒加屋租加」經典歌曲唱足四十年，一啲都唔過時。早排有調查發現，超過八成基層兒童攝取營養低於衞生署標準，近九成人食肉量唔達標，近兩成人要捱餓，簡直係香港之恥。窮人食都冇啖好食，住屋難更加不在話下，如果唔係，嗰啲豬欄改建、上床下廁嘅劏房就唔會有價有市。最離譜嘅係，公共服務不斷加價，服務不斷退步，好似港鐵咁，車撞車都夠膽死，仲有咩好講。
tvb now,tvbnow,bttvb$ m& j u. T% X5 d' t* E: ^7 d. l8 B/ F
' W0 I$ v7 O% U2 V5 H6 A
有人形容今時今日香港「衣食住行樣樣難，生老病死皆不易」，窮鬼就梗係咁講喇，對嗰班印印腳月（扌豆）幾十萬嘅高官嚟講，香港幾好都有，真係唔捨得走。學似當年曾蔭權爵士話齋，生活成本愈高，證明一個地方經濟愈繁榮。
- M; f; N2 N9 `0 @, b5 {$ b公仔箱論壇
tvb now,tvbnow,bttvb" e w/ {2 E5 v7 _0 E: m
不過一眾「低端人口」亦唔使咁絕望嘅，雖然大家冇得好似林鄭咁，喺天堂Book定個位，但最低限度大灣區總有一席之地。第時窮人走晒去做新大灣區人，生老死葬一條龍喺嗰度搞掂，將香港呢個高生活成本天堂留番畀班高官權貴，包保「香巴新」龍頭大哥長做長有，何樂而不為？
歡迎光臨 公仔箱論壇 (http://www2.tvboxnow.com/)
Powered by Discuz! 7.0.0
