公仔箱論壇 - Powered by Discuz! Board

標題: [香港] 傳接任律政司湯家驊突放售美物業惹議 [打印本頁]

作者: piu01 時間: 2019-7-7 06:28 AM 標題: 傳接任律政司湯家驊突放售美物業惹議

tvb now,tvbnow,bttvb$ x" T9 M6 i/ G* L
[attach]4557838[/attach]

港府修訂《逃犯條例》觸礁收場，長期失蹤冇參與解說嘅律政司司長鄭若驊，成為政界頭號想踢走嘅問責高官，有傳鄭被踢走後，近年由泛民轉軚成為建制派嘅行政會議成員湯家驊係接任司長嘅疑似人選之一，就喺呢段敏感時刻，湯突然喺上月底行會利益申報減持美國物業，佢近日接受傳媒訪問時稱，自己同太太今年好少去美國住，因而賣樓，被問到會否加入問責班子，佢話有關傳聞係造謠同冇事實根據。
屢爆醜聞涉僭建玻璃屋
其實湯家驊從政生涯醜聞多多，有自知之明都唔應該諗更上一層樓，就好似八年前，當年係立法會議員嘅湯被踢爆其位於大埔康樂園嘅豪宅單位涉嫌僭建玻璃屋。佢當時引用自己有份打過嘅僭建官司，死撐話玻璃屋屬豁免規管類別，之後其他法律界人士及屋宇署就指證出錯，佢先話記錯案例，向公眾致歉及承諾清拆僭建物，真係（火羅）到爆。

[attach]4557839[/attach]公仔箱論壇* S" y: c* O- W/ Y
有政界中人認為，梁美芬係接任律政司司長嘅合適人選。
www2.tvboxnow.com* e% w/ l' ~5 |2 N7 k) a, W- G
而於二○一五年，湯家驊喺立法會未能通過政改方案後，決定退出公民黨並辭任議員，之後成立行中間路線嘅民主思路；及至前年現屆政府上場之時，湯獲委任為行會成員，自此被視為建制一分子，有人形容湯係「政界變色龍」，加上醜聞數極都數唔完，有意搵佢走入熱廚房嘅政界人士根本靠害，慌死呢個政府唔夠混亂同頭痕。www2.tvboxnow.com% `! p; _& s' e1 z# ^
外界指梁美芬出任更合適
相對之外，有政界中人建議可以搵出任議員逾十年，本身係大律師嘅立法會議員梁美芬做律政司司長可能更為合適，事關梁熟悉憲法同《基本法》，依家又係基本法委員會成員，對於法律嘅紅線底線甚為掌握，有意見話梁「升呢」嘅障礙，就係走入熱廚房要辭任議員，以及未知能否駕馭律政司一批內部人員。

歡迎光臨公仔箱論壇 (http://www2.tvboxnow.com/)