公仔箱論壇 - Powered by Discuz! Board

標題: [香港] 管運署一鑊粥陳美寶照升職 [打印本頁]

作者: piu01 時間: 2019-7-13 07:01 AM 標題: 管運署一鑊粥陳美寶照升職

4 D; h+ I) H* d' |. E* [$ ^
[attach]4565996[/attach]www2.tvboxnow.com" G/ ?1 P: T; z# h

政府尋日內部頒布「皇榜」，公布新一輪政務官晉升，不過據知當中屬於公務員最高級的首長級甲一級政務官（D8）就未有着落，政府解釋係因為仲有工序未完成，其實今年「皇榜」已經比過往遲出，以往多數喺五月底、六月頭就會公布，今年就嚟到七月中先公布，仲要未搞掂D8，認真慢喇！至於獲「升正」嘅首長級甲級政務官（D6）就包括運輸署署長陳美寶，睇到真係令人打個突。陳美寶近來喺中環灣仔繞道同中西區電子道路收費計劃等，統統搞到一鑊泡，咁都照樣有得升職，睇嚟公務員升職制度真係行禮如儀咁！
陳美寶出任運輸署署長以來嘅成績都麻麻哋，好似今年初啟用嘅中環灣仔繞道，啟用前就已經被踢爆隧道內有多條裂紋，嚴重滲水，危害使用者安全，啟用後更頻頻大塞車，陳及後都承認喺繁忙時間交通情況唔理想，最後都要不斷補鑊，例如調整交通燈號、發訊息提醒駕駛者等，仲叫埋警方幫手指揮交通先至搞得掂。
諮詢文件被人斥「Hea」做
至於今年三月公布文件嘅中西區電子道路收費計劃，就更加係未落實就畀人鬧爆，唔單止文件比四年前嘅公眾諮詢文件簡陋得多，被人話係「Hea做」，仲喺區議會開會前兩日先提交文件，結果就被區議員鬧爆，一度「跪低」抽起議程。講真嗰句陳美寶做咗署長後，咁多單都做到「一鑊粥」，然後都有得照升職，都唔知政府係無知睇唔到，定係唔理好醜就求其升人喇！
陳松青升得快有排拆彈

tvb now,tvbnow,bttvb- m3 c$ J8 q: L
今年有得「升正」D6仲有地政總署署長陳松青同海事處處長王天予，陳松青都算係升得快嘅官員之一，佢喺九一年加入行政職系後，轉職政務職系，曾任食物及衞生局副秘書長（衞生）等職位，二○一二年九月起出任發展局副秘書長後，多年嚟一直參與處理極具爭議性嘅新界東北發展計劃，二○一四年已經升做首長級乙一級政務官（D4），其後可能因為時任發展局常任秘書長嘅黃偉綸轉做局長，陳松青亦因而升官，喺二○一七年七月出任地政總署署長，尋日正式「升正」D6。
聽聞陳松青喺政界風評一直唔錯，有人形容佢記資料好似電腦咁清楚，做事仲相當靈活添。新界東北發展計劃有排都未完，嚟緊仲有大把發展計劃等住嚟，唔知佢係咪拆到咁多彈啦！% R+ \' g/ V6 n* O6 {$ K
TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。9 r* @; F9 a% G0 J) {" p3 W3 y

歡迎光臨公仔箱論壇 (http://www2.tvboxnow.com/)