公仔箱論壇 - Powered by Discuz! Board

標題: [時事討論] 黑心醫院有惡霸　白車救人冇位泊 [打印本頁]

作者: jjwah 時間: 2009-8-8 01:21 AM 標題: 黑心醫院有惡霸　白車救人冇位泊

救護車爭取時間救傷扶危，可以着燈響號，喺嘅情況之下有權違反所有規則，冇人會怪責，反而會盛讚：好！做得好！
之不過咁，大埔雅麗氏何妙齡那打素會出現一個非常荒謬嘅場景，救護車衝鋒陷陣有路走，去到居然英雄落難冇位泊！
咦，咪住先，救護車受到人人禮讓，基本上路路暢通，因為個個都知道救護人員爭分奪秒拯救生命，冇人會阻住地球轉，有乜理由去到醫院反而會此路不通？有乜理由員工會阻頭阻勢黑心成咁？就係咁先至叫做荒謬吖嘛。
本報記者連日去到那打素視察，發覺九個救護車專用車位長期被佔用，鵲巢鳩佔嘅包括醫生、護士甚至係消防處職員。其中一位救護員咁樣講：「真係好過分，已經好多年，一直冇人敢出聲，估唔到啲醫生護士讀咁多書都係咁做！」
照計，醫生護士冇理由唔曉得阻礙白車救人可大可小，會唔會係佢哋自己冇位泊車，所以飛象過河夾硬嚟？事實又唔係喎，設有職員停車場，大把車位任泊，只不過遠少少之嘛。
記者又發現，連續幾日有一架開篷車泊喺救護車專用車位，擋風玻璃貼有消防處標誌，反映係消防處職員。大家都知啦，救護車隸屬於消防處，鵲巢鳩佔嗰位仁兄或者仁姐，實際上係欺負自己人！TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。* X6 g' S' ]- |; e q, X- F/ I
以為已經夠荒謬喇啩，原來好戲在後頭。記者走去一嘢踢爆啦，向院方反映白車冇位泊嘅古怪現象，係就係有行動呀，不過所謂行動激到你嘔血。那打素醫院派人清場，將所有閒雜車輛趕走，然後拉起膠帶，圍封救護車專用車位。咁即係點？即係話，閒雜車輛固然唔准泊，即使救護車，一樣冇得泊！
吖，講到呢度功夫茶開始有少少思疑，其實係咪救護員平時得罪咗醫院高層？如果唔係，一來當初冇理由縱容非法泊車，二來咯喎，經記者踢爆之後，冇理由整一劑玉石俱焚，你又冇得泊，我又冇得泊，人人一樣冇得泊。www2.tvboxnow.com7 i7 p& { a5 g/ K7 i5 n8 l6 Y; \: b
你話係咪荒謬絕倫吖？救護車當初因為有人橫行霸道而冇位泊，家陣趕走惡霸嘞，照舊冇位泊。如果你從陰謀論諗諗，你可能會認為，哦，梗係有人耍陰招出蠱惑，白車無論如何都冇得泊吖嘛，咁就唔好投訴詐型喇，唔該你繼續容許惡霸非法泊車。
本來泊車呢啲事唔應該勞煩食衞局局長周一嶽，之不過咁，功夫茶比較細膽，怕阻礙救護車等於玩殘小市民，你敢肯定冇人因為白車冇位泊而枉死咩？所以，勞煩周局長親自過問一下，最好梗係將黑心醫院嘅惡霸掃地出門啦！

作者: lamyumchoi 時間: 2009-8-8 03:01 AM

有無攪錯呀，救護車去到醫院急症室竟然無車位泊，真係豈有此理，白車好多時都載危急病人或傷者到醫院，TVBNOW 含有熱門話題，最新最快電視，軟體，遊戲，電影，動漫及日常生活及興趣交流等資訊。9 r# ~4 u. j% y8 k
      佢地條性命能否保得住，係要同時間競賽，分分秒秒都好重要，早推入急症室救翻機會越大，呢班職員唔將$ _( t' _3 ?* I9 \
      部私家車泊在職員停車場而泊在白車位，簡值係不知所謂，枉佢地讀咁多書都唔明個中原因。而醫院方面接獲投
      訴竟然將9個白車位完全封，連白車都無得泊，想出呢個方法廢物應該送去垃圾堆填區啦，唔好食貴米呀！

歡迎光臨公仔箱論壇 (http://www2.tvboxnow.com/)