公仔箱論壇 - Powered by Discuz! Board

標題: Make a貪 Wish [打印本頁]

作者: nt1972 時間: 2009-10-1 07:53 AM 標題: Make a貪 Wish

雖然明知多數願望都唔會實現，但至少每年生日都即管許一次願。形式化也好，誠心祈求也好，萬一願望成真，又確係無比興奮。這種喜出望外嘅感覺就出現喺我遇上Toyota Wish嘅時候，因為從來無諗過全新炮製嘅 Wish今次真係 Make my wish become true！大大架MPV，可以有跑味型得起、可以靈活實用、可以操控輕易……原來，呢個願望可以好貪。

特低懸掛顯跑味
總覺得香港人如此愛買MPV，都係源於一個「貪」字，貪佢坐得人多、貪佢隨時變身用途多、貪佢夠大氣派足，總之就係有抵食夾大件嘅感覺。不過呢啲通通都唔係吸引年輕一族買七人車嘅主要理由，作為年輕人嘅我，一直希望七人車可以輕盈唔笨重，一直等待有一部七人車嘅外形有如跑房車咁時尚有型格，今日終於如願喇！第一眼睇見呢部全新Wish 2.0七人車現身喺上環半山區，全新動感嘅流線外形就好似一部跑房車款嘅旅行車，不愧以 SportWagon為名，輕盈遊走上環嘅小街窄巷。車頭燈跟仿似微笑嘅鬼面罩都係扁扁長長嘅新設計，得以強化Wish嘅動感造型。加埋全新特低嘅懸掛系統令跑味更濃之餘，又可增加車廂內嘅空間。最後唔少得電動天窗、尾翼及霧燈等必備點綴，若然能換上紅色或炭灰色等感覺更獨特嘅車身顏色，必定更能貼合我心。

送米白皮椅添豪華
除咗外形，唔少女士聽到七人車，好多時未揸就已經卻步，不過只要你試揸過Wish，你就會感受到乜叫操控自如，入彎泊位相當輕易，一啲都唔似揸緊七人車。換上全新 2公升直四汽缸雙 VVT-i引擎嘅Wish，進氣同排氣變得更精準，自然有更高效能及低油耗嘅效果。再配埋電子控制自動波箱、 EPS電軚及TRC循迹控制系統，女士都輕易做出入彎穩定嘅高循迹表現。同級獨有嘅定速巡航系統 Cruise Control方便行高速公路，仲有感覺窩心嘅ECO環保指示燈，不時提醒車主行車耗油嘅狀況。其次最大吸引力必然係連新車附送嘅優質米白皮座椅，高尚舒適嘅設計配襯以電鍍邊點綴嘅中控台，一開門就已經感受到豪華內櫳嘅氣派。外在年輕時尚，內在高級貴氣，一架 Wish正係一眾年輕人心目中最理想七人車嘅願望。

送嘅！■附送全車米白皮座椅，摺合模式仲靈活多變！

■四速連加減波，手動撥片有暫時加減轉檔功能。

■黑櫳配襯米白座椅呢個組合，啱晒任何年齡層嘅口味。

■椅背輕輕一拉，就可將尾廂變大，儲物空間足夠有餘。

■冷氣系統附設「離子簇」正負離子釋放器，令車廂空氣更清新。

■同級獨有配備 Cruise Control，方便定速行駛時使用。

Wish 2.0規格
引擎： 1,987cc直四 DOHC雙頂 VVT-i
馬力： 140PS/5,600rpm
扭力：189Nm/4,400rpm
傳動：四前速電控自動波連+/-轉檔
車身： 4,590× 1,695×1,590mm（長闊高）
車價：$244,080優越版/豪華版$255,960

■全新 Wish 2.0有力招攬一眾年輕人加入七人車嘅行列。

作者: vuirui 時間: 2009-10-2 07:36 AM

not nice compare wif old modal.

作者: k2nick 時間: 2009-10-2 02:30 PM

較舊款有型,謝謝分享。

歡迎光臨公仔箱論壇 (http://www2.tvboxnow.com/)