公仔箱論壇 - Powered by Discuz! Board

標題: [時事討論] 放任劏房亂鑿牆遲早死人又冧樓 [打印本頁]

作者: jjwah 時間: 2010-5-5 06:37 PM 標題: 放任劏房亂鑿牆遲早死人又冧樓

係人都知香港樓價堅貴勁貴超級貴，貴到冇朋友嗰隻。貴已經惡頂，即使你死慳死抵儲夠血汗錢買樓，都唔好開心住喎，事關喺香港買樓係一件非常極之十分荒謬嘅事。你明明係一個大豪客，地產商當你係寒酸鬼，完全冇熱情款待之餘仲要死催爛催，你買唔買呀？唔買冇o架喇，下位！如果唔係消委會出聲，買樓大豪客連度尺影相都唔准。所以話啫& D) w& a1 [3 F! l/ z) Z! C0 C/ |7 C+ P
樓價貴造成好多怪現象，其中之一係租金相對冇咁恐怖嘅劏房大受歡迎。乜嘢叫做劏房呢？即係咁，假設你係業主，名下擁有一個四百呎單位，只要你夠狠心，你就可以一劏為四，變成四個獨立套房出租。劏得愈狠，套房愈多，暴利自然滾滾來也。公仔箱論壇- Z/ ~9 W; l5 z/ d4 {, t. S; p' U
好嘞，劏房又有乜問題呢？解開謎團之前，功夫茶同大家重溫一件事：土瓜灣馬頭圍道死人冧樓。事後屋宇署發表調查報告，其中一項重點係「冧樓同劏房無關」。www2.tvboxnow.com$ h& S5 W; i. u* I; T2 p' q, V! x
大家可能會話，既然冧樓同劏房無關，即係冇問題啦。如果咁諗就大錯特錯嘞，原因好簡單，屋宇署重點調查冧樓同劏房嘅關係，反映劏房係絕對有機會導致冧樓嘅，只不過今次無關，不排除下次有關。
當你明白到劏房有機會導致冧樓，家陣再為大家介紹另一個怪現象。喺深水埗以及慈雲山嘅舊樓裏面，部分劏房居然設有獨立大門！
獨立大門嘅意思係話，業主喺原有門口之外再為劏房另設出入通道，方法當然係鑿牆啦。鑿牆開門嘅後果大家都諗到，樓宇承托力一定減少。假如成幢大廈每個單位都將牆壁鑿來鑿去鑿出一道又一道門，情況不堪設想咯。& ^# h3 ]( [/ p0 W. x6 i
吖，你估屋宇署對於劏房另設獨立大門有乜嘢見解吖嗱？好似慈雲山一幢超過四十年樓齡嘅大廈，業主立案法團見到有人鑿牆打算造門，向屋宇署投訴啦，左搞搞右搞搞，搞咗一輪之後署方認為加裝大門嘅牆壁並非結構牆，所以屬於「豁免工程」。6 B E4 K7 K( b# t. l+ }
嘩！大佬，豁免？即係放任劏房亂鑿牆啫！屋宇署本來係闊佬懶理嘅，可能係頂唔住本報記者窮追猛打啩，署方最近改口話由於相關單位嘅木門唔符合防火標準，所以飭令業主還原。之不過咁，屋宇署始終認為鑿牆造門係屬於豁免工程。
問你驚唔驚？一個單位鑿穿牆或者唔會危及結構安全，萬一家家戶戶有樣學樣，全部以豁免工程作為藉口而將牆壁鑿到溶溶爛爛，到時唔知點算好，遲早死人又冧樓。
計功夫茶話齋，好心屋宇署唔好懶到出汁啦，監管業主劏房無疑係非常吃力，之但係前車可鑑喎，馬頭圍道灰飛煙滅嘅災場歷歷在目，官老爺又點忍心累到無辜市民家破人亡呀！死人冧樓之後再去收拾殘局咪仲辛苦，懵丙！tvb now,tvbnow,bttvb6 p: E- ]' G3 \# D
，喺香港買樓係最卑賤嘅富豪消費行為。www2.tvboxnow.com0 I% Z( M# R; ~; ~

6 V7 s8 l- S6 d+ e. h
本文連結 : http://orientaldaily.on.cc/cnt/news/20100505/00190_001.html

歡迎光臨公仔箱論壇 (http://www2.tvboxnow.com/)