[名人趣事] 終於有接班人 26歲黃昕瑜為叮噹配音

chinghar

今年年初，陪住大家成長、聲演叮噹 (現稱多啦A夢) 逾30年嘅無綫資深配音員林保全喺家中猝逝，令人感到惋惜。而邊一位配音員會接棒聲演叮噹，無綫方面就一直未有定案，不過有報道指接棒嘅，將會係26歲、但係經驗豐富嘅配音員黃昕瑜。據報佢最近已經為劇場版叮噹做配音。
無綫第5期配音訓練班畢業嘅黃昕瑜，喺2012年正式加入無綫，
因為喺劇集《情逆三世緣》為飾演趙昐嘅苟芸慧配音而被留意。佢仲曾經為唔少卡通片同埋外購劇角色配音，例如：《忍者亂太郎》嘅福富新丁、《星夢學園II》嘅紫吹蘭及《喜羊羊與灰太狼》嘅香太狼等等。