朋友:「759開寢具屋呀！」， 我:「哦！」。
其實， 林老闆再開任何新系列店舖， 也不會再嚇到我們， 除非他開HelloKittyLand， 或者辦報館除外。
今日寢具屋第一日開張， 吸引我去的原因是姆明。
因為上次吃完Lcx 姆明Moomin Café， SY喊住想買隻$750大姆明， 當時被我拒絕了， 所以今日我想去睇睇以平見稱的759賣多少錢。
如心廣場不難找， 因為我來過兩次， 但寢具屋開在這裡的確有點隔涉。
最初我以為因為舖租便宜， 地方應該會大一點， 誰知， 寢具屋面積只等同一間正常7-Eleven的大細喎。
店內有售男女童裝睡衣， 價錢大約由$228-$328不等， (未計折扣)。
圖案方面…正常， 正經， 正派， 即使有幾款吊帶款式， 一樣是樸實型， 全部也是韓國品牌， 我估計好合適北韓婦女穿著吧！！
阿囝一見到姆明， 即時緊抱不放， 這裡有兩款姆明， 但Size較Lcx的細少少， 造型不同， 毛布物料製作， 但價錢竟然只售$328(未折)， 超抵喎！
我對一直未肯放手的SY說:「一陣帶媽媽嚟睇時先買啦！！」， 哈！！ 今日又竟然好合作喎。
我發現店內除了姆明還有Paul Frank， 款式更齊， $738的被袋寢具套裝， 簡簡單單的堆在地上就有四套。
還有咕臣， 坐墊， 冷氣被， 不過問題是Paul Frank曾有大量翻版湧現， 感覺有點令仁卻步。
其實， 今次的寢具屋， 在出售被單， 床笠真的不多. 希望老闆聽到之後， 將來有機會再引入多一點被單， 床笠。
全場9成貨品也是韓國製造， 唯一例外， Made in Japan的就是店員說:「成日開舖最多人買嘅就係E個熏衣草安眠枕。」($202.5)
事實， 親身望到不停有人付款， 有人拿著安眠枕對太太說:「應該可以幫到瞓覺嘅， 唔係點會叫長眠枕。」(大吉利是， 年三十晚講嚟啲。)
女店員:「今日真係不停賣， 返咗十幾箱補咗幾次貨， 梗係啦…香港地人人都想瞓得好啲啦！」(我都想， 可惜我生了一個不用睡覺的小朋友呢？？)
枕頭充滿大量熏衣草味， 而我也想「瞓得更加好」， 所以我也即時付款買了兩個。店員話:「一定抵過你去北海道買。」
究竟這個安眠枕效用如何， 可能我今晚要試一試， 假若好用， 定必第一時間向大家報告。(不過可以首先講， 個枕頭好鬼重！) |
發表於 2015-2-20 12:17 PM
| 