[香港] 黃錦星晒$0電費單向林超英挑機

) W4 L! K1 P* O) t( l3 q: |- X% s) C5 F2 {) r9 \
黃錦星（右上圖）拎咗張零蚊電費單出嚟，點名挑機林超英（右下圖）。
8 f1 R/ H9 p7 k$ r" I$ z* ]8 s3 h2 N4 I" r
www2.tvboxnow.com; P( Q& R: Z( S! i
環境局局長黃錦星經常分享節能經驗，慳電慳到出晒名，過往曾與同樣慳電出名嘅天文台前台長林超英比併。黃錦星尋日就喺Facebook上分享今年首張電費單，誇張到錄得零蚊，更點名林超英問佢嘅電費成績，認真得戚。
. W6 P9 X% s8 g' O: M黃錦星講過要晚上氣溫達攝氏廿八度，先可以開睡房冷氣，過往已多次分享電費創新低嘅成績，而最新嘅電費單竟然一蚊都唔使出囉！睇番佢今期用電度數為七十，平均每日用電量度數為二，而今期基本電費就有四十六元八角七仙，但受惠於回扣、電費紓緩計劃等全數抵銷咗電費，仲有五角六仙多出添！
林輸畀慳電雪櫃
畀黃錦星挑機嘅林超英就留言話要二月初先有新電費單，睇嚟今次分唔到高下喇。不過，林就話去年十月初至十二月初每人每日平均用電為一點七度，比黃錦星一家多咗少少，主因係雪櫃舊，輸畀黃錦星嘅超慳電雪櫃，所以自己係輸「軍械競賽」喎。林超英仲話雪櫃用到就換好可惜，所以為環保寧願輸電費，仲話太太已改用凍水沖涼希望慳多啲電喎。睇嚟兩個又有新項目鬥喇！