羅嘉良驚似已故共產黨員 !
依家無綫播緊《情逆三世緣》，關詠荷同歐陽震華情逆三世，各自投胎轉世，但係無論身份點變，個樣都係一樣。歐陽震華每次時空穿梭，都見到同未婚妻Phoenix一模一樣嘅人——即係關詠荷。由宋代才女韓霜霜，到五六十年代嘅黑社會阿嫂鳳姐，都一模一樣，搞到歐陽震華都唔知自己究竟愛緊邊個，又最愛邊個。
投胎轉世，喺劇集中天馬行空點都得，但如果現實中，真係發生「人有相似」事件，而且兩個身處不同年代，而非共時而生，會否令你，有毛骨悚然嘅感覺？
其實，都係一單old news的來。話說有網民發現，一位名為賀瑞麟 (1909-1928)嘅中國共產黨黨員，個樣，竟然同羅嘉良驚人地相似，而呢張相，今日又無啦啦喺網上瘋傳番喎!唔少人都以為係改圖，因為實在係太似了!
賀瑞麟，根據百度資料顯示，1909年生於江蘇銅山，中共黨員，曾任共青團南京市委書記等職，曾率領東大附中學生參加聲援和記蛋廠工人大罷工示威遊行，被反動當局逮捕。出獄後就開始專職從事革命活動，多次被捕下獄。1928年7月於南京被捕，同年10月於雨花臺被處死。死時年僅19歲。
其實早於兩年前，已有網民驚嘆話，點解賀瑞麟嘅嘅肖像，同羅嘉良竟然如此相似，直頭好似餅印一樣。賀瑞麟死於1928年，羅嘉良就係1962年出世………咪住，好耐之前咪傳過孫中山肖像同古巨基個樣又係好似嘅，尼古拉斯基治都好似吸血殭屍0架… |
發表於 2013-8-30 07:51 PM
| 
