Honda Accord Supreme 2.4狂操勁 Hea日與夜

nt1972

Accord呀Accord……烈日下、星空下、何解你都係一副充滿信心同幹勁、穩重而活力十足嘅樣子呢？那怕要你日操夜操，甚至跑上幾百公里，都依然活力十足，而且動力澎湃，甚至贏得家人、同事及好友嘅認同及歡心，用足幾日一心諗住向你挑戰嘅我，惟有認輸！記者：梁美甜攝影：王文忠Model： Clariol
今次日夜勁操 Accord，先至發現，原來一部車，早晚可以有唔同風格，唔同嘅賣點……

外睇銳利變圓潤
100% Made in Japan感覺高級用料足，最重要係外形夠大體，車側以向上線條勾勒出高腰線及強烈肌肉感，配合低斜修長 HID頭燈組設計，猶如銳利鷹眼，氣勢逼人，亦相當「大」而「睇」得。晚間亮起頭燈，線條竟又變得圓潤，神氣卻另有格調。

       



內睇拼搏完再嘆
房車格局，空間夠唔侷促，日頭塞車都有張微斜設計又承托力足嘅電動座椅傍住，唔會直角硬皮坐得周身唔舒服。車身尺碼比以往增加，令車廂超大，Leg-room更同級最大，完全係老闆級禮遇。夜晚忙完一日超攰，揸車返歸可以完全放鬆攤落軟皮凳，中間部份用3.5RL皺紋皮剪裁，豪華舒服又具彈力，最重要係大大個可移動手枕，全身放鬆，夠 Hea！





平穩舒服無投訴

■夜看星空，浪漫而舒暢。

新一代Accord較以往歷年來嘅車型大，樣貌款式更偏向歐洲房車設計，一瞥而誤以為係歐洲車者比比皆是。過往試車報告都較少主力夜晚試車，一來拍攝較難、二來亦較需時間。然而，試車又點會分日與夜？呢次嘅Accord體形大但軚尺大操控容易，最重要係內櫳空間超闊落，用料及設計亦令人坐得舒爽，直接啲講係坐落感覺令人似老細，好似一路上催促你放鬆喇、瞓吓喇（我無緣當乘客，此乃家中幾位小霸王嘅反應）。「你手車好飄忽，時好時壞，今次就進步咗，行車平穩咗，幾舒服。」（家中尊貴兩老嘅評語）但，我要澄清，佢哋舒服與否同我嘅技術無關，只係因車而異，唔通坐部跑車會有房車嘅懸掛同舒適感咩？點都好，起碼兩老唔會嫌三嫌四，而係少有地話唔頂頭頂腳夾肚腩又或者冷氣唔夠之類囉！


■操控易反應靈敏，就算夜晚行車都信心十足。


■軚輕操控容易，惟走高速時好無手感。


■車尾及電鍍設計十足歐洲車般紮實陽剛味重。

少少油好力水
新一代 Accord採用超低油耗 2.4公升 i-VTEC引擎，搭配 5前速機智邏輯自動波箱，馬力輸出 180匹，換波亦相當爽快。Drive-by-wire電子油門控制系統令車身反應快而敏捷，行車夠穩夠紮實。不過由於車身大，入彎時總要偷一偷位，尤其泊車，更要加倍小心，我話我啫！日頭影完相之後，夜晚就揸住部車周圍去，唔知係咪日間太Hea，影相時間太長又或者太熱、冷氣開放太耐，半缸油行咗百零公里之後開始着燈，同攝影師於攝氏30℃又無乜風嘅情況下，熄埋冷氣開住窗震騰騰穿越隧道，以高速慳住油來行，攝影師呢喃着會唔會死火、使唔使推車之類，但憑軚環及油門嘅感覺，令我依然有充足信心：行得到！仲好有力咁款。結果多行了 30公里左右，抵達油站，坦白講，呢一刻清楚感覺到兩人都鬆了一口氣。



規格
引擎： 2,354cc直 4 i-VTEC
馬力： 180ps/6,500rpm
扭力： 22.6kgm/4,300rpm
傳動： 5前速自動波
售價：$307,000查詢：

ming6680

正呀！支持！

vuirui

hmmm ok ok lah

bighead.23

我的表哥有买。外面很高尚的风格，里面的确很舒服。

vinz01

thanksthanks

banhuat

我最喜欢它的+—牙了，好力水，cammy都没得比！

林小佑

thank you.................

kycong

thx for sharing~~~