近 年 最 怕 去 Audi 的 event ， 事 關 差 不 多 每 次 活 動 都 請 明 星做 嘉 賓 ， 而 且 愈 請 愈 大 牌 ， 每 次 都 有 大 堆 娛 記 列 陣 ， 總 是 將 場 地 變 成 戰 場 一 樣 ， 我們 全 行 坐 埋 都 不 夠 4 圍 枱 的 汽 車 雜 誌 記 者 ， 又 如 何 在 上 百 爭 先 恐 後 的 娛 記 之 中 問 得一 、 兩 條 問 題 呢 ？
但 勢 估 不 到 ， 今 年 已 搞 到 第 5 屆 的 Audi DrivingExperience ， 不 像 平 時 clubbing 或 concert 般 的 發 布 會 有 型 舒 服 ， 日 曬 雨 淋 兼 有危 險 性 ， 還 要 舟 車 勞 頓 到 珠 海 賽 車 場 ， 竟 然 都 能 首 次 請 來 明 星 落 場 ， 而 且 更 是 一 線的 歌 星 、 演 員 及 model ！ 雖 然 訪 問 時 間 仍 是 被 娛 記 壟 斷 ， 不 過 各 位 大 明 星 在 賽 車 場的 表 現 ， 就 等 我 們 車 版 記 者 來 報 道 吧 ！
揸 Q5 時 千 嬅 同 好 多 唔 夠 高 的 女 仔 一 樣 都 係 頭 岳 岳 睇 車 頭 去 到 邊 ！
明 明 要 急 停 喺 藍 色 雪 糕 筒 位 ， 但 千 嬅 就 揮 晒 手 ， 踩 住 油 照 過 危 險 啲 喎 ！
千 嬅 要 練 左 軚
4 星 中 最 熱 愛 汽 車 的 肯 定 是 千 嬅 ， 一 出 場 MC 介 紹 嘉 賓 時 ， 目 光 已 不 斷 搜 尋 R8蹤 影 ， 無 論 MC 問 甚 麼 問 題 ， 答 案 都 總 連 到 R8 身 上 ， 恨 不 得 馬 上 就 駕 着 這 部 dreamcar 落 場 喪 轟 ！ 「 我 今 日 以 為 唔 係 淨 係 做 event ， 係 有 得 真 係 落 場 㗎 ， 點 知 唔 係 啦！ 我 換 晒 波 鞋 喇 ！ 我 知 有 得 試 ， 但 點 知 唔 係 落 場 ， 係 教 你 練 車 ， 算 啦 ， 都 好 ， 試 吓啦 ！ 總 之 我 鍾 意 車 啦 ！ 」 講 得 熱 血 ， 不 過 一 睇 佢 對 波 鞋 ， 原 來 係 Jeremy Scott ×adidas 籃 球 鞋 ， 就 知 佢 pro 極 有 限 ！
3 個 訓 練 項 目 中 ， 千 嬅 都 總 算 合 格 ， 開始 時 試 Q5 爬 泥 路 ， 完 全 難 唔 到 曾 經 係 Range Rover 車 主 的 她 ， 不 過 仍 然 有 女 生 揸車 常 見 的 習 慣 ， 一 揸 車 身 高 的 SUV 就 不 停 要 挺 直 腰 、 岳 高 頭 望 前 路 ， 揸 車 格 未 算 瀟灑 ； 而 揸 RS6 跟 住 教 練 行 線 位 劈 彎 時 亦 唔 算 狼 。 唯 獨 揸 R8 扭 樽 時 ， 車 速 唔 算 快 ，右 邊 尾 轆 都 掃 飛 兩 個 雪 糕 筒 ， 好 明 顯 係 因 為 揸 唔 慣 左 軚 車 ， 而 且 於 指 定 停 車 位 練 急停 時 又 唔 停 車 ， 似 乎 有 得 揸 dream car 就 忘 晒 形 ！
最 後 問 到 第 一 次 揸 R8 同 想像 中 有 冇 出 入 ， 千 嬅 就 興 奮 地 話 ： 「 都 收 到 風 佢 快 嘅 ， 不 過 係 一 pick up 嗰 吓 驚 人啫 ！ 掟 彎 好 安 全 同 好 定 ， 不 過 R8 成 件 事 就 重 啲 ， TT 就 輕 巧 啲 。 」 咁 同 妳 架 LexusSC430 差 幾 遠 呢 ？ 「 唔 好 話 人 哋 啲 嘢 啦 ， 我 換 咗 Lexus 好 耐 㗎 喇 ！ 因 為 我 好 鍾 意 試唔 同 嘅 車 ， 最 近 就 揸 緊 SL 。 」 63 定 55 先 ？ 「 嘩 ！ 我 冇 揸 到 咁 快 ， 未 玩 到 咁 高 級喎 ！ 揸 得 快 係 啲 人 話 我 嘅 啫 ， 其 實 我 都 係 110km/h 咁 上 下 啫 ， 都 係 within 安 全 車速 嘅 ！ 扣 分 都 通 常 係 入 咗 禁 區 嗰 啲 。 試 過 影 快 相 係 ， 唉 ， 西 隧 入 隧 道 嗰 度 成 日 好 陰濕 㗎 ！ 一 落 斜 咪 領 嘢 囉 。 」
張 震 油 門 掂
相 比 千 嬅 ， 今 年 被 邀 請 做 中 港 台 奧 迪 英 傑 匯 大 使 原 來 就 唔 太 識 車 ， 而 且 份 人 沉默 寡 言 ， 試 完 車 都 冇 乜 嘢 講 。 「 我 鍾 意 揸 車 ， 平 時 都 係 自 己 揸 車 ， 我 覺 得 車 係 一 個男 仔 好 private 嘅 空 間 ， 喺 車 上 面 可 以 做 好 多 嘢 ， 可 以 聽 吓 音 樂 、 睇 吓 書 。 我 鍾 意喺 山 路 聽 住 radio 慢 慢 揸 ， 試 過 一 個 人 揸 住 車 去 墾 丁 ， 好 舒 服 好 relax 。 不 過 一 個人 揸 長 途 車 就 好 悶 ， 最 好 有 幾 個 朋 友 一 邊 傾 吓 偈 、 一 邊 揸 ， 就 好 開 心 。 」 咁 以 前 揸過 咩 車 呢 ？ 「 都 係 啲 房 車 ， 冇 咩 特 別 嘅 車 ， 好 少 揸 跑 車 嘅 經 驗 。 」 有 咩 dream car呢 ？ 「 Dream car 有 好 多 ， 不 過 我 覺 得 有 車 揸 就 好 ， 冇 乜 要 求 ， 始 終 都 係 方 便 代 步嘛 。 」
雖 然 張 震 講 到 對 車 冇 乜 研 究 ， 但 一 睇 佢 揸 R8 扭 樽 就 知 掂 ！ 事 關 R8engine 聲 好 勁 ， 幾 時 畀 油 收 油 ， 車 外 人 都 可 以 聽 得 一 清 二 楚 ， 見 佢 扭 樽 時 一 扭 軚入 彎 就 收 油 、 一 出 彎 就 畀 大 油 ， 明 顯 比 其 他 星 有 揸 車 concept ， 手 車 快 得 嚟 又 定 ，喺 立 立 亂 嘅 台 北 揸 慣 車 果 然 有 兩 度 ！
Lisa S. 定 、 Amanda S. 劣
好 明 顯 ， 今 次 Audi 請 兩 大 top model Lisa S. 同 Amanda S. 嚟 ， 除 了 因 為 索 同知 名 度 外 ， 係 因 為 佢 哋 個 姓 襯 番 Audi 的 高 性 能 S 車 系 ， 不 過 兩 位 靚 女 對 車 就 冇 乜認 識 ， 對 Audi 新 車 的 形 容 都 離 不 開 靚 、 舒 服 同 安 全 ， 手 車 亦 普 通 到 不 得 了 。 LisaS. 揸 Q5 爬 山 、 R8 扭 樽 都 總 算 定 ， 同 一 般 代 步 車 主 分 別 唔 大 ； 但 Amanda S. 揸 車就 真 係 慢 得 驚 人 ！ 揸 R8 扭 樽 時 娛 記 甚 至 夠 時 間 在 起 點 影 完 佢 相 ， 再 跑 過 終 點 影 佢！ 而 且 揸 車 個 樣 全 程 好 緊 張 ， 相 信 佢 係 會 成 日 俾 後 面 車 鬧 嗰 隻 。 不 過 有 靚 車 嘅 場 合就 點 都 要 有 靚 女 ， 起 碼 啲 鬼 佬 教 練 都 醒 神 啲 ， 好 似 教 揸 Q5 個 Hansgunther 咁 ， 就變 晒 IQ 博 士 樣 咁 讚 孖 S 激 索 ， 對 Amanda S. 更 加 撐 晒 手 指 公 ， 如 果 淨 係 得 千 嬅 一個 ， 相 信 就 冇 咁 嘅 效 力 喇 ！
雖 則 今 年 Audi Driving Experience 有 星 撐 ， 不 過 主 角 仍 然 係 搞 到 第 5 年 的 駕駛 訓 練 課 程 。 記 得 上 次 應 邀 出 席 ， 已 經 係 06 年 時 ， 情 況 跟 今 次 差 不 多 ， 當 時 是RS4 、 Q7 、 S6 及 S8 剛 到 港 ； 今 次 就 係 RS6 及 Q5 新 出 ， 所 以 先 大 規 模 搞 傳 媒 試 車日 。 不 過 今 次 測 試 車 種 少 ， 訓 練 項 目 亦 少 了 ， 分 別 只 剩 3 項 ， 首 先 上 賽 車 場 後 山 揸Q5 爬 泥 路 ， 之 後 落 track 揸 R8 及 TT 扭 樽 玩 Slalom ， 再 揸 RS6 走 線 位 飛 彎 ， 最 後hot lap 飛 一 圈 。 縱 使 課 程 唔 新 鮮 ， 但 總 算 喺 香 港 冇 機 會 試 ， 可 為 大 家 作 出 更 詳 盡的 試 車 報 告 。
泥 濘 見 真 章 Audi Q5 2.0 TFSI
老 實 講 ， Q5 性 能 上 同 A4 2.0T 一 樣 的 2.0 公 升 引 擎 ， 要 推 重 多 成 300kg 再 加 份Quattro 四 驅 ， 公 路 表 現 只 可 以 話 爽 ， 稱 唔 上 係 勁 。 但 係 Q5 的 offroad 實 力 ， 原來 同 上 次 去 德 國 地 獄 試 的 VW Tiguan 一 樣 意 想 不 到 咁 勁 ， 絕 對 唔 係 得 個 樣 、 落 到 泥地 就 會 被 困 的 假 SUV 咁 簡 單 ！
玩 offroad 前 要 先 set 懸 掛 去 comfort ， 再 㩒 ESP 掣 到 offroad 模 式 。
Q5 落 條 45 度 斜 路 時 頭 泵 把 已 經 刮 住 地 下 ， 不 過 啲 泥 夠 軟 ， 冇 刮 爛 。
無 論 一 個 頭 轆 或 尾 轆 離 地 ， 一 樣 可 以 繼 續 前 進 。
上 斜 時 engine 唔 夠 力 兼 車 轆 打 滑 ， 配 合 得 唔 好 波 箱 就 會 係 咁 跳 波 。
困 境 捱 得 過
今 次 測 試 的 offroad 路 段 ， 其 實 同 3 年 前 Q7 試 的 一 樣 ， 不 過 Q7 牛 咁 大 架 ， 當年 試 的 仲 係 柴 油 版 ， 走 呢 條 track 直 頭 食 菜 咁 易 ！ 問 題 係 今 次 的 Q5 又 細 、 又 冇 咁大 力 ， 試 車 前 更 加 落 足 幾 日 雨 ， 令 爛 路 變 泥 漿 ， 筆 者 起 初 都 好 懷 疑 佢 掂 唔 掂 。 一 開始 落 條 45 度 斜 路 ， 踩 實 brake 就 跣 落 去 ， 完 全 冇 難 度 。 不 過 之 後 要 過 大 窿 時 ， 只有 一 邊 轆 落 坑 ， 高 低 差 大 得 滯 ， 行 快 少 少 一 衝 落 坑 ， 頭 泵 把 就 撞 地 ， 好 明 顯 個 靚 仔樣 車 頭 傾 角 唔 夠 大 ， 一 定 要 慢 慢 落 等 避 震 唔 會 坐 低 先 可 以 安 全 駛 過 。
之 後 沿途 崎 嶇 泥 路 ， 縱 使 好 多 時 Q5 都 有 一 個 轆 升 起 離 地 ， Quttro 四 驅 都 仍 然 好 快 可 以 重新 分 布 驅 動 力 去 其 他 車 轆 ， 唔 使 1 秒 就 可 以 拉 番 架 車 繼 續 行 ， 呢 份 功 力 已 經 係 SUV中 罕 見 。 不 過 最 後 上 45 度 泥 漿 斜 路 就 暴 露 弱 點 ， 如 果 冇 「 助 跑 」 距 離 一 口 氣 衝 上斜 ， 副 2.0 turbo 偈 就 唔 太 夠 力 ， 加 上 用 普 通 街 胎 抓 着 力 唔 夠 強 ， 條 胎 會 喺 泥 路spin 之 餘 ， 個 S tronic 波 箱 仲 會 不 斷 咁 跳 波 ， 地 板 油 架 車 都 唔 太 願 上 ， 要 等 幾 秒、 甚 至 要 倒 車 去 抓 着 力 強 啲 的 路 面 再 衝 過 上 去 先 得 。 不 過 筆 者 要 強 調 ， 香 港 根 本 冇乜 咁 高 難 度 的 爛 路 ， 只 要 車 主 唔 係 癲 到 揸 架 Q5 當 Defender 咁 去 爬 山 ， 相 信 已 經 冇乜 路 面 難 到 佢 ！
Audi Q5 2.0 TFSI Spec.
引 擎 ： 1,984c.c. 直 四 turbo
馬 力 ： 211ps/4,300-6,000rpm
扭 力 ： 35.7kgm/1,500-4,200rpm
傳 動 ： 7 前 速 S tronic 半 自 動
車 身 ： 4,629mm × 2,089mm × 1,653mm
車 重 ： 1,740kg
售 價 ： $484,000
首 試 科 幻 王 Audi R8 4.2 Quattro
R8 已 經 到 港 2 年 ， 不 過 一 直 都 冇 安 排 傳 媒 試 車 ， 影 相 都 只 係 用 拖 車 拖 出 街 。 老實 講 ， 200 萬 車 價 未 算 巴 閉 ， 400 萬 拉 利 599 GTB 都 可 以 揸 出 街 試 ， 但 就 係 因 為 咁， 所 以 傳 媒 行 家 先 覺 得 佢 性 能 特 別 神 秘 ！
扭 樽 時 可 以 SPORT 掣 等 部 車 反 應 快 啲 ， 尾 翼 亦 可 以 㩒 死 火 燈 右 邊 個 掣 校 高 低 。
4.2 V8 偈 把 聲 好 大 ， 但 唔 似 拉 利 咁 高 頻 ， 低 沉 帶 少 許 沙 啞 ， 未 算 好 聽 。
R8 個 8-pot 頭 brake 好 勁 ， 配 合 ABS ， 急 停 時 胎 都 唔 響 吓 就 即 停 。
終 於 揸 盡 supercar
雖 則 筆 者 入 行 10 年 ， 但 每 次 試 supercar 仍 然 戰 戰 兢 兢 ， 因 為 下 下 幾 百 匹 的 馬力 數 字 並 未 能 反 映 實 際 性 能 ， 以 往 試 過 林 寶 大 細 牛 、 拉 利 430 、 599 ， 都 會 揸 到 人手 心 冒 汗 ， 不 過 今 次 R8 一 揸 上 手 就 「 親 民 」 得 多 ， 雖 然 軚 盤 、 油 門 都 係 好 似 拉 利、 林 寶 咁 重 、 咁 有 supercar 架 子 ， 不 過 引 擎 出 力 就 平 順 好 多 ， 千 零 兩 千 轉 行70km/h 仲 好 力 過 430 ， 突 然 加 速 同 樣 係 快 ， 但 就 冇 拉 利 集 中 高 轉 爆 發 咁 癲 ； 亦 冇林 寶 度 力 咁 牛 精 。 扭 樽 一 起 步 時 短 短 100m 直 路 盡 油 ， 已 經 可 以 轟 上 80km/h ， 收 油入 彎 架 車 傾 側 好 少 ， 但 個 人 就 受 晒 啲 G-Force ， 張 桶 凳 包 得 實 條 腰 ， 但 肩 膀 位 包 圍力 就 平 平 。 以 約 70km/h hold 住 少 少 油 門 入 彎 整 體 都 好 定 、 抓 着 力 好 強 ， 但 由 S 彎彎 心 扭 入 下 一 隻 彎 時 ， 就 會 feel 到 車 尾 有 少 少 甩 ， Quattro 四 驅 開 始 做 嘢 重 新 分配 驅 動 力 ， 仍 然 未 使 反 軚 救 車 。
不 過 keep 住 唔 收 油 繼 續 扭 到 最 後 第 5 、 6 隻彎 ， 車 速 不 斷 提 高 ， 就 會 feel 到 架 車 唔 只 甩 尾 ， 直 頭 有 啲 四 驅 飄 移 ！ 咁 先 係 最 過癮 的 時 候 ， 因 為 四 驅 失 去 抓 着 力 的 時 間 相 信 唔 夠 1/10 秒 ， 會 feel 到 Quattro 系 統不 斷 掙 扎 ， 架 車 係 有 少 少 波 out ， 但 並 唔 係 失 控 ， 你 可 以 估 計 到 佢 波 out 幾 多 ， 再畀 油 縮 油 控 制 幅 度 。 最 令 人 欣 賞 係 佢 打 滑 完 搵 番 抓 着 力 都 唔 會 失 速 太 多 ， 可 以 繼 續劈 住 去 ， 溝 通 感 有 430 咁 強 ， 但 就 唔 會 突 然 癲 到 控 制 唔 到 ， 呢 類 在 你 掌 握 到 同 掌 握唔 到 之 間 的 supercar 先 至 最 好 玩 ！
Audi R8 4.2 Spec.
引 擎 ： 4,163c.c. V8
馬 力 ： 420bhp/7,800rpm
扭 力 ： 43.9kgm/5,500rpm
傳 動 ： 6 前 速 R tronic 半 自 動 波
車 身 ： 4,431 × 1,904 × 1,252 （ mm ）
重 量 ： 1,565kg
0-100km/h ： 4.6 秒
售 價 ： $2,032,000
葛 創 基 先 生
用 明 星 ！ 銷 量 勁 升 34.9% ！
代 理 用 唔 用 明 星 宣 傳 ， 筆 者 都 唔 太 介 意 ， 最 想 知 反 而 係 使 多 咗 幾 多 錢 同 有 冇 效， 即 刻 搵 Premium Motors Managing Director 葛 生 傾 傾 。 「 其 實 我 哋 Audi 一 向 都有 請 名 人 明 星 去 宣 傳 新 車 ， 不 過 近 兩 年 新 product 特 別 多 ， 大 家 先 覺 得 我 哋 用 多 咗明 星 同 用 多 咗 錢 宣 傳 啫 ！ 其 實 我 哋 一 向 都 好 努 力 建 立 品 牌 形 象 ， 到 現 階 段 亦 都 好 有成 果 ， 但 係 實 際 用 咗 幾 錢 宣 傳 費 、 花 咗 幾 多 % 請 名 人 ， 就 唔 方 便 透 露 嘞 ！ 總 之 08年 嘅 業 績 就 比 07 年 升 咗 34.9% ， 唔 可 以 話 係 完 全 因 為 明 星 效 應 ， 始 終 都 要 我 哋 啲product 愈 來 愈 多 、 愈 來 愈 好 先 會 多 人 買 嘅 ！ 」 葛 生 又 講 得 啱 嘅 ， 相 信 唔 係 因 為Audi 個 朵 夠 響 ， 就 算 有 錢 都 未 必 請 到 咁 多 大 明 星 撐 場 ， 你 估 娛 樂 圈 啲 人 唔 怕 做cheap 自 己 個 形 象 咩 ！
玩 晒 580 匹 Audi RS6
2 月 時 已 經 有 右 軚 版 RS6 到 港 ， 不 過 一 返 即 賣 ， 問 準 車 主 才 可 拖 出 來 給 傳 媒 拍照 ， 而 且 在 街 道 上 話 試 得 盡 580 匹 你 都 唔 好 信 ， 所 以 跟 R8 一 樣 沒 機 會 試 真 。 加 上今 次 測 試 的 RS6 是 更 有 型 、 未 到 港 的 旅 行 車 版 ， 其 實 吸 引 力 絕 不 下 於 R8 ！
教 練 揸 架 R8 帶 頭 ， 跟 住 佢 線 位 劈 彎 同 落 brake ， 想 有 危 險 都 難 ！
副 580 匹 偈 認 真 大 力 ， 不 過 順 得 滯 ， 感 覺 唔 夠 其 他 supercar 咁 刺 激 。
3 波 4,800rpm 去 到 132km/h ， 劈 入 T10 快 彎 射 線 唔 收 都 仍 然 穩 定 。
踩 盡 先 知 夠 豪 華
之 前 在 港 試 RS6 覺 得 很 賽 車 化 ， 所 有 設 定 都 比 A6 硬 很 多 ， 不 過 同 場 有 R8 及 TT， 劈 完 再 揸 RS6 ， 就 知 佢 其 實 並 唔 係 咁 極 端 的 跑 車 。 訓 練 過 程 係 跟 住 教 練 部 R8 行線 位 激 飛 T9 、 10 、 11 、 12 四 隻 彎 ， 查 實 飛 過 咁 多 次 珠 海 場 已 經 唔 使 點 教 ， 不 過好 在 呢 段 路 有 齊 高 速 彎 、 直 路 同 髮 夾 彎 ， 可 以 試 盡 RS6 表 現 。
先 喺 T9 前 出 發， 起 初 教 練 都 係 慢 慢 行 ， 不 過 一 出 T9 就 盡 油 走 ， 起 到 約 100km/h 就 唔 收 油 fing 入較 闊 嘅 T10 ， 可 以 肯 定 RS6 套 避 震 夠 晒 企 ， 傾 側 度 只 係 多 R8 少 少 ， 之 後 再 直 轟T10 至 T11 之 間 一 段 大 直 路 ， 終 於 知 道 到 副 580 匹 偈 真 係 段 段 有 ！ 不 過 踩 到6,000rpm 都 唔 會 有 突 爆 感 覺 ， 而 且 engine 同 死 氣 喉 聲 亦 冇 再 加 大 同 變 聲 ， 快 得 嚟唔 夠 刺 激 ， 甚 至 乎 揸 TT 3.2 飛 同 一 段 路 個 感 覺 仲 high 啲 ， 但 當 然 加 速 冇 咁 快 、 啲彎 亦 冇 咁 有 安 全 感 啦 ！ 至 於 彎 路 表 現 ， 因 為 要 跟 住 教 練 架 車 ， 直 路 尾 轟 到 150km/h左 右 ， 喺 T11 、 12 前 100m 牌 佢 就 開 始 慢 慢 落 brake ， 我 哋 後 面 啲 車 就 冇 乜 機 會 試late brake ， 以 約 80km/h 射 線 入 ， RS6 真 係 穩 定 到 若 無 其 事 咁 ， 張 桶 凳 又 仲 包 過R8 ， 好 似 遊 車 河 咁 就 好 高 速 劈 完 幾 轉 ， 呢 啲 就 係 豪 華 房 跑 嘞 ！ 不 過 對 於 筆 者 此 等血 氣 方 剛 的 後 生 仔 ， 始 終 玩 得 唔 過 癮 ！
Audi RS6 Spec.
引 擎 ： 4,991c.c. V10 Twin Turbo
馬 力 ： 580ps/6,250-6,700rpm
扭 力 ： 66.3kgm/1,500-6,250rpm
傳 動 ： 6 前 速 Tiptronic 半 自 動 波
車 身 ： 4,928 × 2,051 × 1,456 （ mm ）
重 量 ： 1,985kg
0-100km/h ： 4.5 秒
售 價 ： $1,780,000
Harald Buttner
訓 練 中 ， 從 未 有 意 外 ！
據 Audi 代 理 揸 fit 人 葛 生 講 ， 今 年 搞 到 第 5 屆 的 Audi Driving Experience 每年 都 愈 來 愈 多 參 加 者 ， 就 算 由 最 初 搞 5 日 ， 3 年 前 開 始 增 加 至 搞 7 日 ， 仍 然 供 不 應求 ， 次 次 都 要 抽 籤 揀 人 選 。 事 關 個 活 動 認 真 係 抵 ， $2,500 包 晒 交 通 、 食 宿 ， 仲 有supercar 你 揸 同 廠 方 車 手 訓 練 ， 自 己 揸 車 去 track day 都 要 成 $2,000 啦 ！ 其 實 葛生 話 只 係 收 番 交 通 、 食 宿 費 成 本 ， 租 場 、 運 車 同 配 套 全 部 都 係 代 理 同 廠 方 畀 。 而 且順 手 訪 問 埋 德 國 總 教 練 Harald Buttner ， 佢 話 80 年 代 開 始 喺 外 國 搞 AudiDriving Experience ， 至 今 從 未 試 過 喺 訓 練 時 有 嚴 重 意 外 ， 就 算 有 意 外 都 係 因 為訓 練 完 參 加 者 揸 部 車 返 起 點 時 又 拉 hand brake 又 亂 咁 fing ， 課 程 本 身 絕 對 安 全 ，而 且 教 過 歐 洲 、 美 洲 同 亞 洲 超 過 10 個 國 家 的 參 加 者 ， 分 別 亦 唔 大 ， 完 全 冇 難 度 ！
|
發表於 2009-6-4 08:31 PM
| 