無綫視后胡杏兒及花旦鍾嘉欣龍年工作不停手，人氣持續高企，杏兒認為過得平穩又開心，拍下《戀愛季節》及《衝上雲霄II》兩劇，亦開始在內地站穩陣腳。她直言多謝鄭嘉穎「帶挈」，在不少頒獎禮贏得獎項，令她人氣再升，新一年會繼續開行Turbo：「我好鍾意工作，覺得一年360幾日都唔夠用，可以排到時間表好滿！月底開始拍《巾幗梟雄之諜血長天》，睇咗劇本覺得好大挑戰，希望做好佢！（攻內地？）要睇有冇時間，的確有好多內地劇搵我，希望揀到鍾意嘅角色。」已回復單身的杏兒表示過往一直有買桃花催旺，近年即使再忙也會買，因覺得桃花代表事業運及人緣。
多學語言發圍
至於鍾嘉欣去年拍廣告拍到手軟，賺個盆滿缽滿，她直認是入行八年來最豐收的一年！她說：「開心做咗廣告天后，又多咗『BB』呢個稱號，好似親民咗咁，去年有四部劇出街，出街都好多人認同！」問到蛇年大計，「嘉欣BB」計劃學識更多語言助將來發展，最想與韓星偶像池誠合作：「希望TVB多啲同韓國合作，池誠演過失憶角色，我都想演吓！最想同佢拍部浪漫愛情片！」
|
發表於 2013-2-12 12:37 PM
| 
發表於 2013-2-12 08:47 PM
| 
